Siku lelaki bebadi, tang tiga iku bakal, dua buah kerita belantak ba Jalai Kuching - Sri Aman - Berita Iban Online

Header Ads

  • Baru Nyadi

    Siku lelaki bebadi, tang tiga iku bakal, dua buah kerita belantak ba Jalai Kuching - Sri Aman

    Raban Bomba benung bejalai operasyen ngemadamka api ba palan eksiden ke nyadi.
    SERIAN: Siku lelaki bebadi, tang tiga iku bakal pengudah dua buah kerita belantak ba Kilometer 76, Jalai Kuching - Sri Aman, ditu, malam tadi.

    Ketuai Opis Tasat enggau Penguasa Trafik Sarawak, Superintenden Alexson Naga Chabu, madahka mansa ke bebadi nya dikelala enggau nama Thomas Inggol Unggau, 42 taun, penatai ari Kampung Belimbing, ditu.

    Ku iya, eksiden nyadi dipechayaka bepun ari kerita ke deriba kaban mansa enda ulih dijaga enggau tepawah ke jalai ngelaban arus lalu ngejung ke ngelantak sebuah Hilux (4WD) urung jam 8.10 malam.

    “Nasib manah ketetiga lelaki ke nepan kerita nya (temasuk mansa) mujur dipansutka orang mayuh sebedau kerita nya angus.

    Pendiau kerita Proton Iswara pengudah angus ba palan eksiden ke nyadi, malam tadi.

    “Mansa ke duduk ba penuduk penumpang ba sepiak deriba bakal ba rekung enggau kaki diripotka raban perubat ari Sepital Serian bebadi ba palan penusah ke nyadi,” ku iya lebuh dirandau pengarang berita sehari tu tadi.

    Raban bomba ari Balai Bomba enggau Penyelamat (BBP) Serian mega datai mantu bejalaika operasyen ba palan eksiden ke nyadi.

    Tiga iku agi mansa, temasuk deriba Hilux tauka 4WD nya ditaban ke Sepital Serian ngambika ulih diperubat enggau silik agi.

    Kes nya agi dipansik ari baruh Seksyen 41(1) Akta Pengangkutan Jalan 1987.

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads