Header Ads

  • Berita Tebaru

    Siku lelaki dipelabaka lemas, labuh ari kapal ba Sibu

    Siku ari bomba nunjukka palan mansa labuh ke dalam sungai sebedau iya diripotka lenyau.

    SIBU: Siku lelaki penatai ari India diripotka lenyau enggau dipelabaka lemas pengudah labuh ari sebuah kapal di Sungai Rajang, ditu, malam kemari.

    Penusah nyadi urung jam 9.15 malam nya, mansa, dikelala enggau nama Haris Kumar, 24 taun, dipechayaka labuh maya deka tama ke sebengkah agi kapal.

    Sapir Direktor Operasyen, Opis Bomba enggau Penyelamat Sarawak Tiong Ling Hii, madah raban bomba bisi nerima kangau bekaul enggau pengelenyau mansa ari Balai Polis Lanang, laban deka mantu operasyen ngiga mansa.

    Ku iya, nitihka penerang ke diterima, mansa dipechayaka labuh maya pansut ari sebuah kapal ke endur iya kereja sebedau tama ke sebengkah agi kapal ke deka ditepan ianya ba sepiak. 

    "Gaya ai sungai ti deras mega meri penanggul maya bejalaika operasyen Ngiga enggau Nyelamatka mansa (SAR).

    "Maya operasyen dipejalaika kemari, mansa agi bedau temu enggau operasyen SAR deka dipejalaika baru pagi tu," ku iya maya ke dirandau pengarang berita kemari.

    Tiong ngelansa, raban polis mega bisi mantu bejalaika operasyen SAR nya.

    Berebak enggau nya, pengari polis madahka bisi nerima ripot bekaul enggau kes mansa ke lenyau nya. 

    "Asil pansik tumu, nadai bekau jenayah ditemu ba palan penusah ke nyadi enggau operasyen ngiga mansa agi dipejalaika," ku iya.

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads


    Deka nemu berita benung #Viral ninting hari: