Siku lelaki diripotka lenyau, nebang kayu ba Kampung Muara Lebaan - Berita Iban Online

Header Ads

  • Baru Nyadi

    Siku lelaki diripotka lenyau, nebang kayu ba Kampung Muara Lebaan

    Seraban bomba enggau beberapa iku genturung pendiau benung bejalaika operasyen SAR ba palan penusah ke nyadi.

    BINTANGOR: Siku lelaki diripotka lenyau pengudah nurun nebang kayu ba Kampung Muara Lebaan, kemari.

    Pengari Raban Bomba enggau Penyelamat Pampang Bintangor, madahka bisi nerima kangau urung jam 7.38 malam tadi. Mansa ke diripotka lenyau nya dikelala enggau nama Mohammad Tapa bin Napis, beumur 55 taun.

    Penusah nyadi urung jam 8 pagi kemari, mansa pansut nurun gawa kediri nebang kayuh ba Kampung Muara Lebaan.

    "Baka selama, lebuh ngetu tengah hari mansa sigi pulai ke rumah. Tang ke serak tu, mansa diripotka nadai pulai ke rumah nyentuka diatu," ku iya. 

    Berindik ari nya, penyampau 5 iku raban Bomba BBP Bintangor ngena sebuah kerita Hilux berumban ngesah ke palan penusah kenyadi ngambika ulih ngiga enggau nyelamatka mansa.

    Operasyen Ngiga enggau Nyelamatka mansa (SAR) diketuaika PPgB Nicholas Belulin enggau dibantu 12 iku genturung pendiau tang alu bedau bedau.

    Operasyen SAR diketuka urung jam 12.12 tengah malam tadi enggau deka ditandu baru pagi tu.

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads