Siku lelaki ditaban ke Sepital Besai Sarawak, kena tembak ngena ‘senapang ikan’ - Berita Iban Online

Header Ads

  • Baru Nyadi

    Siku lelaki ditaban ke Sepital Besai Sarawak, kena tembak ngena ‘senapang ikan’

    BA PALAN PENUSAH NYADI: Mansa (gambar mit) diperubatka raban periman tumu ba palan penusah nyadi sebedau ditaban ke klinik besemak enggau diperesa silik agi ba Sepital Besai Sarawak.

    KUCHING: Siku lelaki ditaban ke Sepital Besai Sarawak (HUS) pengudah dipechayaka kena tembak ngena ‘senapang ikan’ ba Kampung Tabuan Melayu, ditu, kemari.

    Nitihka penerang ari bala ke seruang bilik enggau mansa ke beumur 20-an nya, maya penusah nyadi mansa benung bejalai ba sebelah kampung nya, pengudah nya bisi datai dua iku lelaki beumur 40-an ke enda dikelala urung jam 8.30 pagi.

    Nitihka dipadah, bisi charut tauka saru penemu entara sida sebedau saspek nimbak mansa, pengudah nya mansa lari nyelamatka diri ba endur jalai ke bisi latak enda jauh ari palan penusah nyadi. 

    “Bisi beberapa genturung pendiau diak ke meda penusah nya lalu berumban mantu mansa sereta ngangauka ambulans ke datai ba palan penusah nyadi dalam kabdang beberapa minit pengudah nya,” ku orang ke meri penerang ngagai pengarang berita kami.

    Mansa diperubatka raban periman tumu ba palan penusah nyadi sebedau ditaban ke klinik besemak enggau diperesa silik agi ba Sepital Besai Sarawak.

    Naka berita tu ke ditulis, mansa diripotka selamat enggau agi diperubatka ba Zon Kuning Unit Kecemasan HUS.

    Kebuah penusah nyadi agi bedau temu enggau berita tu deka ditandu kami baru nganti penerang ti silik ari Opis ke megai tanggungpengawa.

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads