Header Ads

  • Berita Tebaru

    Siku lelaki ditan polis, merap, murus 'utai' siku indu 13 taun ba dalam agu

    Gambar pengais. 📷@WikiHow

    BINTULU: Siku lelaki nadai dokumen pengelala (warga asing) ditan pengudah dipechaya merap enggau murus utai pemalu siku nembiak indu baruh umur, 13 taun ba dalam agu palan bebelika barang, ditu, malam kemari.

    Ketuai Polis Pampang Bintulu Superintenden Zulkipli Suhaili, madah penusah nyadi urung jam 9.30 malam nya, mansa benung nuchi jari pengudah kemi, sebedau siku lelaki tama ke dalam agu. 

    “Keterubah, indu nya (mansa) melabaka lelaki nya salah tama agu lalu enda ibuhka iya ke bisi diak. 

    “Tang pengudah nya, enda mukai-mukai lelaki nya (saspek) lalu merap mansa ari belakang enggau murus utai baruh indu (utai pemalu orang indu) nya,” ku iya maya ke dirandau pengarang berita kemari.

    Ku Zulkipli, mansa tekenyit alu nyerauh enggau berumban pansut ari agu enggau madahka penusah ke nyadi ngagai indai iya.

    “Indai mansa pengudah nya ngeripot ngagai sekuriti, sebedau ngangauka polis,” ku iya.

    “Berindik ari penerang ke diterima bekaul enggau kes nya, raban polis berumban ngesah ke palan penusah ke nya enggau nangkap saspek urung jam 10.30 malam kena mansik kes enggau silik agi,” tandu iya.

    Zulkipli ngelansa, saspek ke beumut 20-an ditan kena mantu nasat kes ari baruh Seksyen 14(a) Akta Kesalahan Seksual Terhadap Kanak-Kanak 2017.

    Enti nyema dikenuka salah, saspek ulih ditinggang ukum jil pengelama 20 taun enggau sipat.

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads


    Deka nemu berita benung #Viral ninting hari: