Siku lelaki ditemu parai, begitang ba sebuah kilang di Jalai Bintulu-Sibu
Cari Berita

Advertisement

Siku lelaki ditemu parai, begitang ba sebuah kilang di Jalai Bintulu-Sibu

Chief Editor | Berita Iban MY
September 10, 2018

GAMBAR PENGIAS: Siku lelaki ngitang diri.

BINTULU: Siku lelaki penatai ari Indonesia ditemu parai benung begitang ba sebuah kilang di Jalai Bintulu-Sibu urung jam 1.20 lemai kemari.

Ketuai Polis Pampang Bintulu Superintenden Zulkipli Suhaili maya ke ditanya sehari tu tadi, madah polis bisi nerima kangau ari orang mayuh bekaul enggau bangkai nya lalu berumban ngesah ke palan penusah nyadi. 

Ku iya, asil pansik tumu mansa beumur 23 taun nya dipechaya parai munuh diri. 

"Raban polis mega bejalaika pengawa peresa tumu tubuh mansa enggau nadai bekau jamah tauka jenayah diripotka ba palan penusah ke nyadi," ku iya.

Ku iya, kebuah tauka 'motif' mansa ngitang diri bedau temu enggau agi dipansik. 

Bangkai mansa dianjung ke Sepital Bintulu kena bejalaika pengawa buntas tasat enggau kes diklasifikasi nyadi parai ngenyit.