Siku lelaki ditemu parai, dalam bilik sebuah hotel tebilang di Kuching - Berita Iban Online

Header Ads

  • Baru Nyadi

    Siku lelaki ditemu parai, dalam bilik sebuah hotel tebilang di Kuching

    Gambar pengias.

    KUCHING: Siku lelaki ditemu parai ba dalam bilik sebuah hotel tebilang di Kuching, ditu, kemari.

    Ketuai Polis Pampang, ACP Ng Ah Lek, madah mansa beumur 32 taun, penatai ari Dalat nya baru datai ari Singapura kena 16 September laban deka ngulu pengawa melah pinang kaban iya kena 17 September enggai maya nya mega, hari kepenudi meda mansa. 

    Ku iya, mansa diripotma enda ulih dikangauka bala kaban belayan iya ngena talipaun binching kenyau hari nya. Berindik ari nya, bala kaban belayan iya minta bantu ari staf hotel nya, ngasuh tama enggau ngabas ke dalam bilik mansa urung jam 12.30 pagi kemari.

    “Maya staf hotel nya tama ke dalam bilik mansa, staf hotel nya tepedaka mansa benung gali enggau enda nemu nemu diri tauka ngeleda. Berindik ari nya, sida iya alu ngangauka raban polis enggau sepital.

    “Asil peresa raban periman ari Sepital Besai Sarawak (HUS) ngeripotka mansa udah parai,” ku iya lebuh dirandau pengarang berita kemari.

    Ku Ng, kelimpah ari nya, asil pansik tumu, mansa nadai bakal ba sebelah tubuh iya.

    “Mansa dipechayaka bisi sakit enggau bisi tetemuka beberapa bengkah ubat ba atas mija bilik ke endur iya diau nya,” ku iya.

    Kelimpah ari nya, Unit Forensik Opis Tasat Jenayah Balai Polis Kontinjen (IPK) mega bisi ngesah enggau bejalaika pengawa mansik ba palan penusah ke nyadi.

    “Asil peresa rikod 'CCTV', hari kepenudi mansa dipeda bisi ayan ianya kena 17 September urung jam 2.45 pagi pengudah dianjung betunggal iya ba lobi hotel enggau pengudah nya mansa alu nadai pansut,” ku iya.

    Bangkai mansa ke gawa nyadi tukang masak ba Singapura, pengudah nya dianjung ke Unit Perubat Forensik HUS kena bejalaika pengawa buntas tasat.

    Naka kediatu, kes nya diklasifikasi nyadi parai ngenyit (SDR).

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads