Header Ads

  • Berita Tebaru

    Siku lelaki mutah ke darah, teirupka ai bisi rachun

    Mansa dibai Unit Langit Bomba enggau Penyelamat Malaysia (JBPM) ke Sepital Gua Musang (HGM) ngena Helikopter Agusta A109E.

    GUA MUSANG: Siku lelaki mutah ke darah pengudah teirupka ai ti kena sembur rachun, ditu, kemari.

    Sapit Penguasa Bomba, Mohd Farhan Marzuki, madahka mansa dikelala enggau nama Jamal Abdillah, 33 taun, lelaki Orang Asli penatai ari Pos Bihai, machit tauka nyembur rachun ba kebun enda jauh ari rumah iya.

    “Mansa pulai ke rumah enggau mutah ke darah. Iya dipechayaka teirupka ai ti kena sembur rachun.

    “Raban bomba diberi pemendar ngena Helikopter Agusta A109E ari Opis Pemansang Orang Asli (JAKOA) Gombak sebedau datai ba palan penusah ke nyadi.

    “Penerabai Helikopter Agusta A109E diketuaika 'juruterbang' Sapit Penguasa Bomba, Mohd Faizal Abd Latiff enggau dibantu Sapit Penguasa Bomba 1 Roslan Aziz, terebai ari airport Subang urung jam 2.45 lemai enggau terengkah ba Pos Bihai urung jam 3.30 lemai,” ku iya.

    Mansa dibai Unit Langit Bomba enggau Penyelamat Malaysia (JBPM) ke Sepital Gua Musang (HGM) ngena helikopter Agusta A109E urung jam 3.30 lemai.

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads


    Deka nemu berita benung #Viral ninting hari: