Siku lelaki nyamah siku indu ditangkap - Berita Iban Online

Header Ads

  • Baru Nyadi

    Siku lelaki nyamah siku indu ditangkap


    MIRI: Siku lelaki nampar enggau numbuk siku indu bulih penulah pengudah ditangkap polis ba sebuah bilik sewa di Jala Cina, ditu, kemari.

    Saspek beumur 28 taun nya ditangkap urung jam 9.30 pagi pengudah mansa beumur 32 taun ngaga ripot ngagai polis bekaul enggau kes nya, kemari. 

    Nitihka penerang ke diterima kami, saspek didawa nyamah mansa sebedau nganu ketegal mansa minta duit ari saspek. 

    “Sebedau penusah nyadi, mansa meri pemendar ngagai saspek ngena talipaun binching iya, tang talipaun nya dijual saspek.

    “Mansa pengudah nya diasuh saspek mayar RM150 kena ngambi baru talipaun binching nya,” ku iya.

    Ku iya, pengudah nya mansa mayar duit ke dipinta saspek nya laban deka ngambi pulai talipaun nya, tang saspek enda nyuaka talipaun binching nya.

    “Berindik ari nya, mansa majak ngasuh saspek mulaika duit ke disuaka iya sebedau saspek nyamah mansa,” ku iya.

    Berebak enggau nya, pengari polis madahka saspek udah ditangkap enggau kes dipansik ari baruh Seksyen 384 Kanun Keseksaan.

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads