Header Ads

  • Berita Tebaru

    Siku lelaki orang tuai bakal kena timbak ngena senapang patah

    Mansa bakal kena timbak disangka kera. 

    KAPIT: Siku lelaki orang tuai (warga emas) bakal kena timbak siku orang ngasu ngena senapang patah ketegal disangka iya kera ba pun dabai di Kampung Balan, Jalai Melekun, ditu, lemai kemari.

    Penusah nyadi urung jam 5.40 lemai nya, mansa beumur 60-an mengalami bakal ba beberapa iti endur ba tubuh pengudah kena timbak ngena senapang patah maya iya benung niki pun buah dabai.

    Ketuai Polis Pampang Kapit DSP Freddy Bian, madah berindik ari penusah nyadi, saspek ke sama beumur 60-an nganjung mansa ke Sepital Kapit ngambika ulih diperubatka enggau silik agi sebedau ngaga ripot ba Balai Polis Kapit.

    "Mansa bakal ba punggung, siku kiba, belakang tubuh kiba enggau baruh pah kanan ketegal kena timbak nya," ku iya maya ke dirandau pengarang berita sehari tu tadi.

    Ku iya, orang ke ngeripot enda nemu mansa ke bisi ba pun dabai ianya kaban ke sama segenturung pendiau enggau iya, sangka orang ke ngasu nya kera ke ba pun dabai nya.

    Mansa diatu benung diperubat ba sepital enggau iya diripotka berinsur manah.

    "Senapang patah enggau lesen senapang ke dikena mega dirampas kena bejalaika pengawa mansik.

    Ku Freddy, kes dipansik ari baruh Seksyen 37 Akta Senjata Api 1960. 

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads


    Deka nemu berita benung #Viral ninting hari: