Header Ads

  • Berita Tebaru

    Siku lelaki orang tuai lenyau maya ngetan pukat, ditemu selamat

    Raban bomba meri perubat tumu ngagai mansa pengudah ditemu selamat. 📷#BombaSarawak

    MIRI: Siku lelaki orang tuai (warga emas) nadai pulai ke rumah enggau diripotka lenyau pengudah pansut ari rumah laban ngetanka pukat lemai kemari, ditemu selamat sehari tu tadi.

    Lelaki ke diripotka lenyau nya dikelala enggau nama Jandah Luang, 88 taun, ditemu raban Bomba enggau Penyelamat urung jam 8.30 pagi.

    Ketuai Bomba enggau Penyelamat Zon Miri, Law Poh Kiong, madahka mansa ditemu urung penyauh 5 kilometer (km) ari Rumah Panjai Brauh.

    Ku iya, maya mansa ditemu raban Bomba enggau Penyelamat, iya baka ke lelak tauka enda regas. Tang taja pia, mansa diripotka selamat enggau nadai bakal ba sebelah tubuh. 

    "Nitihka penerang, sebedau penusah nyadi, mansa pansut kediri ari rumah laban deka ngetanka pukat ba sungai urung penyauh 3 km ari rumah.

    "Mansa dipechayaka enda ingat ka jalai pulai ke rumah panjai sebedau bala ke sebilik enggau iya ngangauka bomba ngambika ulih nulung ngiga enggau nyelamatka mansa", ku iya maya ke dirandau pengarang berita sehari tu tadi.

    Law ngelansa, mansa pengudah nya dibai ke Klinik Kesihatan Bekenu ngambika ulih diperesa enggau perubat silik agi.

    "Operasyen Ngiga enggau Nyelamatka mansa tembu urung jam 10.30 pagi," ku iya.

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads


    Deka nemu berita benung #Viral ninting hari: