Siku lelaki parai pengudah labuh ke dalam parit penalam tujuh kaki - Berita Iban Online

Header Ads

  • Baru Nyadi

    Siku lelaki parai pengudah labuh ke dalam parit penalam tujuh kaki

    Raban bomba ngatung bangkai mansa panst ari dalam parit sebedau disuaka ngagari raban polis.

    BAU: Siku lelaki parai pengudah labuh ke dalam parit urung penalam tujuh kaki ba Taman Shenji Siniawan, ditu, sehari tu.

    Pengari raban Bomba enggau Penyelamat Malaysia (JBPM) Sarawak, madah raban bomba bisi nerima kangau bekaul enggau kes nya urung jam 7.34 pagi enggau beberapa iku raban bomba ari Balai Bomba enggau Penyelamat (BBP) Bau, berumban ngesah ke palan penusah nyadi.

    Mansa ke parai nya siku ari raban polis bepangkat Koperal, dikelala enggau nama Marekan Sobet, beumur 56 taun enggau penatai ari Kampung Buso, Bau.

    “Komander operasyen madahka eksiden kendiri bisi nyadi ianya sebuah kerita ditepan mansa enda ulih dijaga lalu ngejungka tepawah ke tisi jalai.

    “Mansa udah mujur mansut kediri ari kerita tang enda mukai-mukai, iya rebah alu labuh ke dalam parit nya enggau diripotka raban periman ari Sepital Bau parai ba palan penusah ke nyadi,” ku iya lebuh dirandau pengarang berita, sehari tu tadi.

    Raban bomba pengudah nya ngatung bangkai mansa ngena 'scoop strecher' sebedau disuaka ngagai raban polis kena bejalaika pengawa silik agi.

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads