Header Ads

  • Berita Tebaru

    Siku lelaki parai, segaut ngaga 'U-Turn'

    RIP: Mansa dikelala enggau nama Linggong Bujang, 39 taun, parai ba palan penusah eksiden nyadi ketegal balat bakal ba pala.

    MUKAH: Ketegal segaut deka ngaga 'U-Turn', siku lelaki parai pengudah dilantak sebuah kerita ba Kilometer 27, Jalai Balingian - Mukah, besemak Mukah, urung jam 5.30 lemai kemari.

    Ketuai Polis Pampang Mukah, Deputi Superintendan Jimmy Panyau, madah mansa dikelala enggau nama Linggong Bujang, 39 taun, parai ba palan penusah eksiden nyadi ketegal balat bakal ba pala.

    “Asil pansik tumu, mansa dipechayaka deka ngaga 'U-Turn' tang enda beratika sebuah kerita ke ditepan siku indu muak ari jalai Balingian nuju ke Mukah.

    “Nadai meresa tauka ibuhka entukar ke bisi besemak, mansa ngaga 'U-Turn' lalu ngejungka deriba kerita nya enda sempat nyeliah lalu ngelantak mansa,” ku iya maya ke dirandau pengarang berita, sehari tu.

    Nitihka dipadah, indu ke deriba kerita nya kesal 'panik' pengudah meda mansa ke ngena mitisikal nya enda mukai-mukai beputar tauka ngaga 'U-Turn' lalu ngejungka indu nya enda sempat nekan brek enggau nyeliahka mansa.

    “Bangkai mansa dianjung ke Sepital Mukah kena bejalaika pengawa buntas tasat,” ku iya.

    Kes dipansik ari baruh Seksyen 41 (1) Akta Pengangkutan Jalan (APJ) 1987.

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads


    Deka nemu berita benung #Viral ninting hari: