Siku lelaki sanggup netak indai iya empu ketegal dadah! - Berita Iban Online

Header Ads

  • Baru Nyadi

    Siku lelaki sanggup netak indai iya empu ketegal dadah!

    Gambar Pengias. 📷#BeritaHarian

    BINTULU: Siku lelaki (saspek) kes ngerumpak enggau netak siku indu tuai (warga emas) ba sebuah rumah di Perumahan MNLG, udah mujur ditangkap lemai kemari.

    Nitihka dipadah, saspek nya mega anak lelaki mansa, ditangkap ba Terminal Bas Bintulu, ditu urung jam 2.15 lemai kemari, lebuh deka niki bas kena ngelarika diri.

    Ketuai Polis Pampang Bintulu, Superintendan Zulkipli Suhaili, madah saspek beumur 36 taun ny mujur ditangkap seraban pemesai enggau raban Opis Tasat Jenayah, berindik ari ripit ke diterima ari mensia mayuh.

    “Lebuh ke ditangkap, raban polis bisi tetemuka beberapa iti dokumen enggau barang ke diempu mansa ke ditabanka saspek maya penusah nyadi. Barang enggau dokumen nya deka dijadi bukti kena ngenukuka iya salah.

    “Asil peresa ai kemi ke dipejalaika saspek diripotka positif dadah bansa Methamphetamine enggau iya dipechayaka benung sebening pala pengudah makai dadah lebuh ngereja jenayah nya,” ku iya lebuh dirandau pengarang berita sehari tu tadi.

    Zulkipli madah, pengudah nangkap suspek nya, polis mujur ngemutarka kes ngerumpak siku indu tuai ke beumur 61 taun.

    “Kes dipansik ari baruh Seksyen 394 Kanun Keseksaan enti dikenuku salah, ulih diukum jil pengelama 20 taun, tunggu enggau sipat laban udah ngerumpak enggau ngemediska orang.

    “Saspek deka dibai ke Kort Bintulu pagila kena minta pemendar ngetan tauka reman saspek,” ku iya.

    Lebuh penusah nyadi urung jam 11 pagi, Hari Tiga tu tadi, mansa diripotka balat bakal pengudah dipechayaka ditetak saspek ngena perengka tajam lebuh belibat ketegal deka nyelamatka kantung sandik ke deka ditabanka saspek.

    Mansa pengudah nya dianjung ke Sepital Bintulu ngambika ulih diperubat silik agi enggau mansa diripotka udah berinsur gerai (stabil).

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads