Header Ads

  • Berita Tebaru

    Siku lelaki tepelanting, bebadi nyawa, motosikal dilantak sebuah kerita

    BA PALAN EKSIDEN NYADI: Pendiau kerita pengudah ngelantak mansa enggau motosikal ke ditepan mansa (gambar mit).

    BINTULU: Siku lelaki bebadi nyawa pengudah motosikal ke ditepan iya dilantak sebuah kerita ari kemudi ba Jalai Tanjung Kidurong, urung jam 11 malam kemari.

    Ketuai Opis Tasat enggau Penguasa Polis Trafik Sarawak, Superintenden Alexson Naga Chabu, madahka mansa ke bebadi nyawa nya dikelala enggau nama Razis Ismail, 24 taun, penatai ari Kampung Jepak.

    Ku iya, mansa tepelanting ari motosikal nya, diripotka bebadi ba palan eksiden ke nyadi ketegal balat bakal ba pala enggau tubuh. 

    Tang taja pia, siku lelaki beumur 42 taun ke deriba kerita nya, diripotka selamat tauka nadai bakal.

    "Asil pansik tumu, eksiden nyadi bepun ari kerita ke ditepan lelaki nya ke benung bejalai ari muak ke Tanjung Kidurong nuju ke Pasar Bintulu. Maya datai ba jalai lurus, enda mukai-mukai kerita nya tepawah lalu ngelantak motosikal ke ditepan mansa ari kemudi, " ku iya. 

    Bangkai mansa pengudah nya dianjung ke Unit Forensik Sepital Bintulu kena bejalaika pengawa buntas tasat.

    Kes dipansik ari baruh Seksyen 41 (1), Akta Pengangkutan Jalan 1987.

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads


    Deka nemu berita benung #Viral ninting hari: