Header Ads

  • Berita Tebaru

    Siku nembiak lelaki 13 taun, mujur nyelamatka siku orang tuai ari lemas

    Nembiak lelaki ke nyelamatka mansa nunjuk ka endur penusah ke nyadi.

    KUCHING: Siku indu orang tuai (warga emas) mimit da agi nyauka lemas ba sungai besemak Jalai Foochow ditu, sebedau mujur diselamatka siku nembiak lelaki ke ngam-ngam gak bisi ba tebing sungai nya, kemari.

    Nitihka penerang ke diterima kami, mansa beumur 86 taun dikelala ngena nama Bong, sebedau penusah nyadi mansa dipeda benung kediri ba tebing sungai nya sebedau iya diripotka nurun ke sungai urung jam 4 lemai.

    “Ngam-ngam ga maya nya, siku nembiak lelaki ke dikelala ngena nama Daren Liew beumur 13 taun bisi ba tebing sungai nya enggau berumban nyelamatka mansa ke dipechayaka nyauka lemas.

    “Mansa pengudah dibai ke tebing sungai sunggai enggau Daren berumban minta bantu ari orang mayuh,” ku orang ke meri penerang ngagai pengarang berita.

    Pengarai ari Opis Bomba enggau Penyelamat Malaysia (JBPM) Sarawak, madahka Opis Bomba bisi nerima kangau bekaul enggau penusah ke nyadi urung jam 4.19 lemai enggau seraban Bomba ari Balai Bomba enggau Penyelamat (BBP) Tabuan Jaya enggau Padungan berumban ngesah ke palan penusah nyadi.

    “Lebuh raban bomba datai ba palan penusah ke nyadi, mansa dipeda benung jempuk basah ba tebing sungai nya enggau mansa diripotka selamat tauka nadai bakal ba sebarang endur tubuh. 

    “Mansa pengudah nya disuaka ngagai raban polis kena bejalaika pengawa mansik silik agi,” ku iya lebuh dirandau pengarang berita, kemari.

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads


    Deka nemu berita benung #Viral ninting hari: