Siku nembiak lelaki ke ngelantak lori simen kemari, parai ba Sepital Sibu - Berita Iban Online

Header Ads

  • Baru Nyadi

    Siku nembiak lelaki ke ngelantak lori simen kemari, parai ba Sepital Sibu

    KASIH AMAI: Meri penyinu ati ngagai ba ke ditinggalka niang Mohd Syafiq Safery. 😢

    SIBU: Siku nembiak lelaki ke bakal pengudah motosikal ke ditepan iya ngelantak sebuah lori simen ba Jalai Tun Ahmad Zaidi Adruce kemari, udah ngapuska seput kepenudi ba Sepital Sibu, malam tadi.

    Ketuai Polis Pampang Sibu, ACP Stanley Jonathan Ringgit, madahka mansa dikelala enggau nama Mohd Syafiq Safery, 18 taun, penatai ari Kampung Berlipat Baru, Jalai Punang, Lawas.

    “Mansa ianya siku pelajar ke balat bakal ba pala diripotka parai maya benung diperubatka ba Sepital Sibu urung jam 10.45 malam tadi (malam kemari),” ku iya lebuh dirandau pengarang berita.

    Penusah nyadi urung 7.30 pagi kemari, motosikal ke ditepan mansa nya dipechayaka tepawah alu ngelantak kemudi sebuah lori simen ke benung bejalai ari muak ke Jalai Lanang nuju ke Jala Ulu Sungai Merah.

    Mansa diripotka tepelantang ari motosikal ke ditepan iya enggau mengkang ba baruh lori nya. 

    Mansa enda ngeleda enggau balat bakal ba pala pengudah nya dianjung ambulans ke Unit Kecemasan Sepital Sibu.

    “Kes nya dipansik ari baruh Seksyen 41(1) Akta Pengangkutan Jalan (APJ) 1987,” tandu Stanley.

    Berita ke diiyarka kami kemari, ulih dibacha nuan ba 'DITU'

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads