Header Ads

  • Berita Tebaru

    Siku pelajar sekula ditangkap, dipechayaka 'masung' siku indu baruh umur

    Gambar pengias.

    MIRI: Siku pelajar pom empat ditangkap ketegal dipechayaka masung lalu ngaga pengawa seks enggau siku indu baruh umur nitihka perintah ari Kort Majistret minta pemendar ngereman tauka ngetanka saspek pengelama enam hari kena mantu raban polis bejalaika pengawa silik agi.

    Perintah nya dibacha Majistret Zuraini Ali Musa pengudah meri pemendar peminta reman ke dipinta Pemesai Tasat Inspektor Clarissa Carol ari Balai Polis Pampang Miri.

    Ba dalam peminta Clarissa, madah kena malam 3 September, siku nembiak indu beumur 14 taun udah ngaga siti ripot polis ba Balai Polis Lutong.

    Ba dalam ripot nya madahka, kena 26 Ogos 2018 urung jam 7 pagi, iya bisi dibaie siku kaban lelaki iya ke rumah besemak.

    Maya datai ba rumah kawan iya nya, mansa (orang ke ngeripot) dibaie ngaga seks sebedau meri pemendar pulai ke rumah.

    Pengudah nya, kena 2 September 2018 urung jam 8 pagi, lelaki ke sama ngasuh mansa ke rumah iya baru. Enti mansa enggai, saspek (lelaki nya) ngiarka gambar mansa ke dirakam saspek kena 26 Ogos, ujung bulan nyin kemari.

    Mansa irauka gambar iya 'viral', lalu nitihka jaku saspek enggau mansang ke rumah lelaki nya. Dia mih mansa dipasung saspek ba bilik tinduk saspek nya empu.

    Berindik ari ripot ke diterima, kena 4 September 2018 urung jam 10.40 pagi,  polis udah mujur nangkap siku pelajar lelaki beumur16 taun ba mua sebuah Sekula Secondari ditu, ketegal dipechayaka bekaul enggau kes nya. 

    Ba dalam peminta silik Clarissa, saspek direman pengelama tujuh hari, kena mansik kes enggau silik agi nitihka Seksyen 117 Kanun Prosedur Jenayah enggau Seksyen 376/377C Kanun Keseksaan.

    Kelimpah ari nya, polis mega agi begunaka ripot peresa perubat mansa, enggau ngelepaska saspek tumu agi laban deka meri penanggul ba pansik silik dipejalaika raban polis.

    Tang taja pia, kort semina meri pemendar ngetan tauka ngereman saspek pengelama enam enggau mansa deka pansut kena 11 September tu.

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads


    Deka nemu berita benung #Viral ninting hari: