Siku penchuri kena jamah orang mayuh - Berita Iban Online

Header Ads

  • Baru Nyadi

    Siku penchuri kena jamah orang mayuh

    SEPI ASAI: Mansa dijamah orang mayuh pengudah ditangkap ba palan penusah ke nyadi.

    KUALA LANGAT: Siku penchuri ukai semina burak leka mata tang nyu ngetatka pemedis dijamah orang mayuh pengudah ditangkap ba palan penusah ke nyadi Jalai Kanchong Tengah, Banting, ditu, lemai kemari.

    Penusah nyadi urung jam 1.15 lemai nya, saspek beumur 22 taun mujur ditangkap orang ramai pengudah nabanka kantung sandik siku indu ke benung nepan motosikal ba jalai nya.

    Ketuai Polis Pampang Kuala Langat, Superintendan Azizan Tukiman, madah mansa pengudah nya alu ngagai saspek ke ngena motosikal nya ngejung ke iya tepawah ke tisi jalai.

    Ku iya, orang mayuh ke besemak enggau palan penusah ke nyadi mega mantu indu ke gawa ba 'kedai serbaneka' nya nangkap sereta ngetanka saspek.

    “Ba dalam kantung sandik mansa bisi tingki, kad bank, talipaun binching, duit keretas enggau kesemua ungkus berega RM1,500.

    “Saspek ianya orang ke nadai gawa 'penganggur' enggau lebuh penusah ke nyadi palan nya sunyi tauka nadai mayuh orang,” ku iya lebuh dirandau pengarang berita sehari tu tadi.

    Mohd Azizan madah, saspek pengudah nya disuaka ngagai polis peronda ke datai ba palan penusah ke nyadi pengudah nerima kangau ari orang mayuh. 

    “Saspek dibai ke Balai Polis Pampang (IPD) Kuala Langat kena bejalaika pengawa mansik enggau polis mega ngerampas motosikal ke dikena saspek.

    “Kes dipansik ari baruh Seksyen 379 Kanun Keseksaan,” ku iya.

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads