Header Ads

  • Berita Tebaru

    Siku raban bomba ditendang, dipalu siku lelaki, maya bejalaika operasyen madamka api

    Penyampau 35 buah rumah papan ba Kampung Gelam, besemak bandar Sandakan, angus lengis diempa api malam tadi. 📷 Hazsyah Abdul Rahman

    SANDAKAN: Maya benung kiruh bejalaika pengawa, siku raban bomba enda mukai-mukai ditendang enggau dipalu siku lelaki ke nadai ngena baju maya operasyen madamka api dipejalaika ba Kampung Gelam, ditu, tumh pagi tadi.

    Penusah nyadi urung jam 2 pagi nya, mansa beumur 30 taun diripotka nadai bakal enggau agi ulih bejalaika pengawa pengudah lelaki nya (saspek) ditan polis. 

    Maya penusah nyadi, raban bomba nya benung madamka api ngena paip bomba sebedau siku lelaki enda mukai-mukai datai lalu nendang enggau malu mansa ngejungka nyau chapuh. 

    Tang taja pia, orang mayuh ke bisi besemak mujur ngerara penusah ke nyadi enggau raban bomba nya ngereja pengawa baka selama.

    Nitihka dipadah, saspek enda meretika kereja raban bomba dipechayaka enda puas ati laban rumah iya laun diimbur  ngena ai ngejungka angus.

    Nitihka pengarang berita ke bisi ba palan penusah ke nyadi. Penusah angus nya udah nganguska urung penyampau 35 buah rumah papan ba kampung nya.

    Berebak enggau nya, Ketuai Polis Pampang Sandakan, Asisten Komisioner Mohd Azhar Hamin, maya ke ditanya madahka bisi nerima ripot bekaul enggau penusah ke nyadi.

    “Saspek lelaki nya udah ditangkap enggau kami deka minta pemendar ngetanka saspek nya sehari tu. 

    “Kes dipansik ari baruh Seksyen 186 Kanun Keseksaan laban ngachau orang kereja perintah bejalaika pengawa,” ku iya.

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads


    Deka nemu berita benung #Viral ninting hari: