Stanley Kho ditemu selamat pengudah seminggu lenyau ba Gunung Singai - Berita Iban Online

Header Ads

  • Baru Nyadi

    Stanley Kho ditemu selamat pengudah seminggu lenyau ba Gunung Singai

    PUJI TUHAN: Mansa ditemu selamat dibai Raban Bomba enggau Penyelamat pansut ari palan penusah ke nyadi.

    KUCHING: Stanley Kho ke diripotka lenyau lebuh niki Gunung Singai di Bau kena Hari Satu tu tadi, ditemu Raban Ngiga enggau Nyelamat pagi tu tadi. Mansa diripotka selamat tang nyau enda regas.

    Nembiak (mansa) lelaki beumur 22 taun nya diripotka kaban iya lenyau Hari Satu tu tadi.

    Operasyen nya mega dibantu turut seraban volunteer niki bukit (pendaki bebas), polis, tentera, Raban Penyaga Pengelikun Malaysia (APM) enggau Raban RELA.

    Pengari Opis Bomba enggau Penyelamat Malaysia (JBPM) Sarawak, madah mansa niki bukit nya kediri urung jam 8.30 pagi hari satu. Mansa enggau kaban iya kepenudi sekali berandau ngena talipaun binching urung jam 10.05 pagi.

    “Siku ari kaban mansa irauka pengelikun mansa pengudah enda ulih dikangauka. Berindik ari nya, kaban mansa nya mai tiga iku agi kaban iya sama bela nguji ngiga mansa ba gunung nya urung jam 4 lemai tang nadai ga temu sida iya sebedau ngangauka Balai Bomba enggau Penyelamat (BBP) Bau,” ku iya lebuh dirandau pengarang berita diatu tadi.

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads