Terima kasih admin, pemacha semua - Berita Iban Online

Header Ads

  • Baru Nyadi

    Terima kasih admin, pemacha semua

    Berita tauka artikel ke diiyarka kami pagi kemari (gambar kiba) enggau mesej di dianjung orang ke ngeripot pagi tadi (gambar kanan).

    Selamat lemai pemacha "Berita Iban Online" enggau BeritaIban.com, raban kami bisi berita manah ari orang ke ngeripot bekaul enggau kes betaban lari ke diiyarka kami kena 5 September, pagi kemari.

    Raban kami nerima mesej tauka 'PM' urung jam 11.19 pagi tadi, ku orang ke ngeripot ngagai kami, lelaki ke betaban lari enggau siku indu udah mulai kediri ngagai rumah bini enggau anak iya empu.

    Berindik ari nya, iya minta raban kami ngemadamka semua berita ke diiyarka kami bekaul enggau kes nya laban lelaki ke digagak nya udah ditemu. Nyadi kes tu kira ke udah 'settle' tauka udah ditutup.

    Kelimpah ari nya, iya mega meri terima kasih ngagai semua pemacha "Berita Iban Online" enggau BeritaIban.com laban udah besaup nulung tauka 'share' artikel ke diiyarka raban kami.

    Raban kami deka meri terima kasih ngagai orang ke ngeripot kes nya ngagai kami laban udah meri penerang ti silik ngagai raban kami sereta pechayaka raban "Berita Iban Online tauka BeritaIban.com ulih nulung ngiga lelaki enggau indu ke lenyau tauka betaban lari nya.

    Raban kami, ngiarka berita tauka artikel nya ukai ketegal kami deka bejaie tauka ngelesayka ruang bilik orang bukai tang kami kasih ke bini enggau anak ke ditinggal ke lelaki nya (apai orang). Kami nadai tuju bukai tauka ngembuan ati ti chelum.

    Kelimpah ari nya, kami ngarapka sida iya sebilik ulih ngemutarka kes tu ngena chara ti chukup manah sereta angkun. Tuhan merekat semua. 😇

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads