Header Ads

  • Berita Tebaru

    Tiga saspek ngerumpak OKU ditangkap ba Lubok Antu

    GAMBAR PENGIAS: Logo Polis Diraja Malaysia.

    KUCHING: Tiga iku saspek mujur ditan polis ba Pasar Lubok Antu ketegal dipechayaka bekait enggau kes enchuri kerita ke diempu siku lelaki Orang Nyelaie Pendiau (OKU) ba Jalai Tun Razak, ditu, kena hari tiga minggu nyin kemari.

    Ketuai Polis Pampang Kuching ACP Ng Ah Lek, madah ketetiga saspek lelaki ke ditangkap nya beumur antara 20 nyentuk 40 taun, polis mega ngerampas sebuah kerita enggau dua bilah pisuk ke dipechayaka dikena maya penusah ke nyadi minggu nyin kemari.

    “Maya penusah nyadi tumu pagi nya, mansa beumur 29 taun enggau siku kaban iya ke sama OKU benung dirantau jalai nuju ke pasar sebedau ditan saspek ba Jalai Tun Razak.

    “Saspek udah nya pansut aei kerita lalu maluk kaban mansa ke duduk ba palan penuduk penumpang ba luan enggau beberapa minit pengudah nya, datai siku lelaki ngena sebuah agi kerita lalu numbuk mansa sebedau ngerampas kunci kerita nya laban deka ditabanka lari,” ku iya maya je dirandau pengarang berita sehari tu tadi.

    Tang taja pia, kerita mangsa mujur ditemu ba Jalai Datuk Mohammad Musa, Kota Samarahan.

    Kes nya dipansik ari baruh Seksyen 394 dan 397 Kanun Keseksaan laban ngerumpak beraban enggau ngemedis kededua mansa.

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads


    Deka nemu berita benung #Viral ninting hari: