Tuchur ngena api, ngemba deka nguntin utai pemalu anak mit lapan taun - Berita Iban Online

Header Ads

  • Baru Nyadi

    Tuchur ngena api, ngemba deka nguntin utai pemalu anak mit lapan taun

    Siku ari staf penyaga anak mit ngemba deka nuchur utai pemalu anak mit nya.

    KUANTAN: Siku anak mit lelaki beumur lapan taun diukum dua iku orang ke gawa ba palan penyaga anak mit ti chara enda patut ba Lorong Tok Sira, Jalai Tengku Muhammad, ditu, malam tadi.

    Dua iku staf enggau siku lelaki dipadahka nuchur api enggau ngemba deka nguntin utai pemalu anak mit nya. Kelimpah ari malu tubuh enggau pala mansa ngena wie. 

    Penusah nyadi urung jam 7 malam, apai mansa beumur 25 taun nemu kes nya nyadi sepengudah meda video nya chapuh 'viral' ba media sosial.

    Nitihka dipadah, anak mit nya dipalu nadai berasai kasih tauka sinu laban mansa ngaga penyalah kemi bediri, enchuri barang enggau enda nuchi agu sepengudah bira. 

    Ketuai Polis Pampang Kuantan, Asisten Komisioner Mohamad Noor Yusof Ali, madah dua orang staf ba palan penyaga anak mit nya udah dikangauka apai mansa sepengudah nemu video nya viral enggau mayuh macham komen tauka penemu orang mayuh. 

    "Bala ari penyaga anak nya udah ngagauka apai anak mit nya enggau madah sida iya maluk mansa laban deka ngajar mansa, ukai deka nyamah iya. 

    "Asil pansik tumu, mansa ianya anak tunggal enggau sebedau tu besekula ba Sekolah Kebangsaan Bukit Rangin, tang dianjung apai iya kitu sepengudah anak iya enda entu ka belajar tauka sekula.

    "Raban polis ngerampas wie pemanjai 58 sentimeter enggau siti guntin buk ke dipechayaka dikena maya penusah nyadi," ku iya maya ke dirandau pengarang berita sehari tu tadi.

    Mohamad Noor, madah iya mega udah meratika palan penyaga nya enggau enda nulak dipelabaka engka nguji deka nyamah mansa. 

    Ku iya, dua staf palan penyaga anak mit nya beumur 42 enggau 43 tahun ditan urung jam 10 malam tadi kena mantu nasat kes nya.

    "Mansa diatu diperubat ba Sepital Tengku Ampuan Afzan laban bisi bakal ba punggung.

    "Dua dua staf palan penyaga anak mit nya direman dua minggu belabuh sehari tu enggau kes dipansik ari baruh Seksyen 31(1)(a) Akta Kanak-Kanak 2001," ku iya.

    Video penuh ulih dipeda nuan 'DITU'

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads