Header Ads

  • Berita Tebaru

    11 October 2018 - Hari Empat ba Minggu Ke Dua Puluh Tujuh Musim Selama

    Lalu ku Jesus bejaku ngagai sida, “Enti sema siku ari kita bisi siku pangan, lalu iya mansang ngagai pangan iya nya ba urung tengah malam lalu bejaku ngagai iya, ‘O wai, jali aku tiga iti tuku roti, laban pangan aku ke pegi udah datai lalu aku nadai utai kena aku meri iya makai!’
    11 October 2018 - Hari Empat ba Minggu Ke Dua Puluh Tujuh Musim Selama

    Bacha Ke Satu:

    Galatia 3: 1 - 5

    Kita orang Galatia amat beli! Sapa udah ngasuh kita beli? Kita udah dipadahka enggau terang pasal Jesus Kristus ke diregang.

    Awakka aku nanyaka tu ngagai kita: Kati kita nerima Roh Allah Taala laban kita ngasika Adat, tauka laban kita ninga lalu arapka utai ti didinga kita? Nama kebuah kita beli baka tu? Kita udah belabuh ngena Roh Allah Taala, kati kita diatu deka ngujungka nya ngena pengering mensia? Kati utai ti udah diasaika kita nya nadai reti magang ba kita? Enti utai nya amat nadai reti.

    Kati Allah Taala meri kita Roh Kudus lalu ngereja kereja ajih ba bala kita laban kita nitihka Adat, tauka laban kita arapka utai ti didinga kita?

    Masmur Entara:

    Luke 1: 69, 70 - 71, 72, 73 - 75

    Saut (peda 68): Pujika Tuhan Allah Taala ke disembah orang Israel, laban Iya udah kasihka nembiak Iya.

    Ke Satu
    Iya udah nyendiaka siku Juruselamat ti bekuasa ke kitai, ari peturun nembiak Iya David.

    Saut: Pujika Tuhan Allah Taala ke disembah orang Israel, laban Iya udah kasihka nembiak Iya.

    Ke Dua
    Munyi ti disebut Iya dulu kelia ngena sida nabi Iya ti kudus madahka kitai deka diselamatka ari munsuh kitai, enggau ari jari semua orang ke begedika kitai.

    Saut: Pujika Tuhan Allah Taala ke disembah orang Israel, laban Iya udah kasihka nembiak Iya.

    Ke Tiga
    Nya meh jalai Iya udah ngayanka pengasih ti udah disemaya Iya ngagai aki ini kitai lalu udah ngingatka sempekat Iya ti kudus.

    Saut: Pujika Tuhan Allah Taala ke disembah orang Israel, laban Iya udah kasihka nembiak Iya.

    Ke Empat
    Semaya ti digaga Iya ngena sumpah enggau aki kitai Abraham ngambika ngelepaska kitai ari jari munsuh kitai, 
    ngambika kitai betuaika Iya enggau nadai penakut, dalam pengudus enggau pengelurus di mua Iya sepemanjai umur kitai.

    Saut: Pujika Tuhan Allah Taala ke disembah orang Israel, laban Iya udah kasihka nembiak Iya.

    Alleluia (peda Kereja Rasul 16: 14B)

    Alleluia, alleluia

    Buka ati kami, O TUHAN, ti keran deka mendingka jaku Anak Nuan.

    Alleluia.

    Bacha Injil:

    Luke 11: 5 - 13

    Lalu ku Jesus bejaku ngagai sida, “Enti sema siku ari kita bisi siku pangan, lalu iya mansang ngagai pangan iya nya ba urung tengah malam lalu bejaku ngagai iya, ‘O wai, jali aku tiga iti tuku roti, laban pangan aku ke pegi udah datai lalu aku nadai utai kena aku meri iya makai!’

    Lalu pangan iya nya deka nyaut ari dalam, ‘Anang ngiruh aku! Pintu udah dikunchi, lalu kami menyanak udah beterenah tinduk. Aku enda ulih angkat meri nuan utai.’

    Aku madah ngagai kita, taja pen iya enggai angkat lalu meri pangan iya utai, tang laban iya endang pangan iya, lalu laban pangan iya ituk minta, iya deka angkat lalu meri pangan iya utai ti dipeguna iya.

    “Nya alai Aku madah ngagai kita: Pinta, lalu kita deka nerima; giga, lalu kita deka nemu; Tekung, lalu pintu deka dibuka ke kita.

    Laban genap iku orang ke minta, deka nerima, lalu orang ke ngiga deka tetemu, lalu ke orang ke nekung, pintu nya deka dibuka ke sida.

    Kati kita ke apai, meri anak kita batu, enti iya minta roti? Tauka meri iya ular, enti iya minta ikan?

    Tauka, meri iya kala, enti iya minta telu?
    Enti kita ke jai, nemu meri utai ti manah ngagai anak kita, Apai kita ti di serega tentu lebih agi nemu meri Roh Kudus ngagai orang ke minta ari Iya!”

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads


    Deka nemu berita benung #Viral ninting hari: