13 October 2018 - Hari Enam ba Minggu Ke Dua Puluh Tujuh Musim Selama - Berita Iban Online

Header Ads

  • Baru Nyadi

    13 October 2018 - Hari Enam ba Minggu Ke Dua Puluh Tujuh Musim Selama

    “Beberekat meh indu ke udah ngandungka Nuan, enggau tusu ti udah nusuka Nuan!”
    13 October 2018 - Hari Enam ba Minggu Ke Dua Puluh Tujuh Musim Selama

    Bacha Ke Satu:

    Galatia 3: 22 - 29

    Menyadi:
    Bup Kudus madahka semua dunya diperintah dosa, ngambika berekat ti udah disemaya diberi ngagai orang ke arap, ulih pengarap sida ke Jesus Kristus.

    Sebedau pengarap datai, kitai kena jil sereta dijaga Adat nyentuk ngagai maya pengarap dipandangka.

    Nya alai kitai diperintah Adat nyentuk ngagai maya penatai Kristus, ke deka ngaga kitai lurus ulih pengarap.

    Diatu pengarap nya udah datai, nya alai kitai nadai agi diperintah Adat, laban dalam Jesus Kristus semua kita nyadi anak Allah Taala, ulih pengarap.

    Semua kita ke udah dibaptisa dalam Kristus, udah ngerasukka Kristus.

    Kita ukai orang Judah agi tauka orang bansa bukai agi, ukai ulun tauka ulun, ukai lelaki, ukai indu, laban semua kita nyadi siku dalam Jesus Kristus.

    Lalu enti kita enggi Kristus, reti nya kita peturun Abraham, bempu waris nitihka semaya.

    Masmur Entara:

    Masmur 105: 2 - 3, 4 - 5, 6 - 7

    Saut (peda 8a): TUHAN deka ingatka sempekat Iya belama iya.

    Ke Satu
    Belagu muji TUHAN. Tusui pasal utai ti badas ti udah dikereja Iya. Gaga ati meh kitai ke enggi Iya. Awakka semua orang ke nyembah Iya rami gaga magang.

    Saut: TUHAN deka ingatka sempekat Iya belama iya.

    Ke Dua
    Mansang meh kitai ngagai TUHAN minta Iya nulung, lalu sembah Iya berari. Kingatka kereja ajih ti udah dikereja Allah Taala enggau ukum ti udah diletak Iya.

    Saut: TUHAN deka ingatka sempekat Iya belama iya.

    Ke Tiga
    Kita peturun Abraham ke nembiak Iya 
    kita peturun Jakop ti udah dipilih Iya. TUHAN endang Allah Taala kitai. Pesan Iya endang ke semua dunya.

    Saut: TUHAN deka ingatka sempekat Iya belama iya.

    Alleluia (peda Luke 11: 28)

    Alleluia, alleluia

    Beberekat meh orang ke ninga 
    lalu ngasika jaku Allah Taala!

    Alleluia.

    Bacha Injil:

    Luke 11: 27 - 28

    Lebuh Jesus benung bejaku, siku indu lalu bejaku enggau nyawa ti inggar ngagai Jesus ari tekang bala mayuh, 

    “Beberekat meh indu ke udah ngandungka Nuan, enggau tusu ti udah nusuka Nuan!”

    Tang ku Jesus nyaut, “Beberekat agi orang ke ninga lalu ngasika jaku Allah Taala!”

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads