18 October 2018 - Hari Empat ba Minggu Ke Dua Puluh Lapan Musim Selama - Berita Iban Online

Header Ads

  • Baru Nyadi

    18 October 2018 - Hari Empat ba Minggu Ke Dua Puluh Lapan Musim Selama

    Feast of Saint Luke, evangelist.
    18 October 2018 - Hari Empat ba Minggu Ke Dua Puluh Lapan Musim Selama (Feast of Saint Luke, evangelist)

    Bacha Ke Satu: 2 Timoti 4: 10 - 17B

    Laban Demas, ke angkunka dunya, udah ninggalka aku lalu mupuk ngagai Tesalonika; Kresen udah mupuk ngagai Galatia, lalu Titus ngagai Dalmatia.

    Semina Luke aja bisi enggau aku. Ambi Mark lalu bai iya enggau nuan, laban iya beguna dalam pengawa aku. Aku udah ngasuh Tikikus mupuk ngagai Epesus.

    Lebuh nuan mansang kitu, bai kelambi ti ditinggalka aku ba Karpus di Troas. Bai mega semua bup, kelebih agi bup ti digaga ari kulit jelu.

    Tukang temaga ke benama Aleksander, balat amat ngenusahka aku. Tuhan deka malas iya ketegal utai ti dikereja iya. Bejaga ari iya, laban iya balat amat nyakal pesan kitai.

    Lebuh aku terubah kena pechara suba, nadai siku orang nyukung aku. Semua orang bela ninggalka aku. 

    Awakka Allah Taala enda besalahka sida ketegal nya! Tang Tuhan mengkang bediri ngimbai aku, lalu meri aku pengering kena aku madahka semua pesan, ngambika semua orang bansa bukai ninga pesan nya.

    Masmur Entara:

    Masmur 145: 10 - 11, 12 - 13AB, 17 - 18

    Saut (12): Ngambika semua orang nemu, O TUHAN, pemesai mulia perintah Nuan.

    Ke Satu
    Semua utai ti idup ti udah digaga Nuan, O TUHAN, deka meri terima kasih ngagai Nuan, lalu semua nembiak Nuan deka muji Nuan. Sida deka bejakuka pasal mulia diraja Nuan lalu madahka pasal kuasa Nuan.

    Saut: Ngambika semua orang nemu, O TUHAN, pemesai mulia perintah Nuan.

    Ke Dua
    Ngambika semua orang nemu pemesai pengawa Nuan enggau pemesai mulia perintah Nuan.Perintah Nuan endang meruan belama iya, lalu Nuan nyadi Raja belama iya.

    Saut: Ngambika semua orang nemu, O TUHAN, pemesai mulia perintah Nuan.

    Ke Tiga
    TUHAN endang lurus dalam semua utai ti dikereja Iya, ngayanka pengasih dalam semua pengawa Iya. Iya diau semak sida ke ngangauka Iya, ke ngangauka Iya enggau ati ti bendar.

    Saut: Ngambika semua orang nemu, O TUHAN, pemesai mulia perintah Nuan.

    Alleluia (peda John 15: 16)

    Alleluia, alleluia
    Aku ke milih kita ari dunya, lalu ngasuh kita bejalai lalu bebuah lebat, buah ti tan, ku TUHAN.
    Alleluia.

    Bacha Injil: Luke 10: 1 - 9

    Udah nya Tuhan Jesus lalu milih tujuh puluh dua iku sida ti bukai, lalu ngasuh sida bejalai dulu ari Iya, dua-dua iku begulai, ngagai genap buah nengeri enggau endur ti deka digusung Iya Empu.

    Ku Iya bejaku ngagai sida, “Utai ti diketau mayuh, tang orang ke ngetau mimit. Nya alai besampi minta orang ke bempu umai ngirumka mayuh agi orang ngetau umai Iya.

    Mupuk meh kita! Ingat, Aku ngasuh kita bejalai baka anak domba ngagai raban ukui kampung.

    Anang mai kandi duit, tauka kambut, tauka selipar. Lalu anang nabi orang di rantau jalai.

    Sebarang rumah alai kita tama, sebut dulu, ‘Awakka pemaik meruan dalam rumah tu.’

    Enti orang ke rinduka pemaik bisi dalam rumah nya, pemaik kita deka mengkang ba orang nya. Enti enda pia, pemaik nya deka pulai baru ngagai kita.

    Diau ba rumah nya, lalu empa irup sebarang utai ti diberi sida ngagai kita, laban orang ke gawa endang patut diberi gaji. 

    Anang mindah ari rumah sebuah ngagai rumah sebuah.

    Genap kali kita datai ba sebuah nengeri, lalu sida nerima kita, empa sebarang utai ti diberi ngagai kita.

    Geraika orang ke sakit dalam nengeri nya, lalu sebut ngagai sida, ‘Perintah Allah Taala udah datai semak kita.’”

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads