19 October 2018 - Hari Lima ba Minggu Ke Dua Puluh Lapan Musim Selama - Berita Iban Online

Header Ads

  • Baru Nyadi

    19 October 2018 - Hari Lima ba Minggu Ke Dua Puluh Lapan Musim Selama

    Memorial of Saints John de Brébeuf and Isaac Jogues, Priests, and Companions, Martyrs.
    19 October 2018 - Hari Lima ba Minggu Ke Dua Puluh Lapan Musim Selama (Memorial of Saints John de Brébeuf and Isaac Jogues, Priests, and Companions, Martyrs)

    Bacha Ke Satu: Epesus 1: 11 - 14

    Menyadi:

    Dalam Kristus kitai mega udah dipilih nitihka pelan Iya ke ngereja semua utai nitihka juluk ati enggau peneka Iya, ngambika kitai, ke terubah-rubah manggaika pengadang ba Kristus, ulih idup lalu muji mulia Iya! 

    Lalu kita mega nyadi nembiak Kristus lebuh kita ninga pesan ti bendar, iya nya Berita Manah ti mai pengelepas ngagai kita, lalu lebuh kita udah arapka Iya, kita lalu ditanda ngena Roh Kudus ti udah disemaya. 

    Roh Kudus nya nyadika jamin kitai deka nerima pesaka, iya nya penebus kitai ke enggi Allah Taala. Pujika mulia Allah Taala!

    Masmur Entara:

    Masmur 33: 1 - 2, 4 - 5, 12 - 13

    Saut (12b): Beberekat meh orang ke udah dipilih TUHAN nyadika nembiak Iya!

    Ke Satu
    Rami gaga ati meh kita ke lurus. Puji meh Iya, semua kita ke ngasika Iya. Beri terima kasih ngagai TUHAN ngena belikan. Belagu ke Iya ngena sape.

    Saut: Beberekat meh orang ke udah dipilih TUHAN nyadika nembiak Iya!

    Ke Dua
    Laban jaku TUHAN endang amat, lalu semua pengawa Iya endang dikereja Iya enggau ati ti tetap. TUHAN rinduka atur ti lurus sereta betul. Dunya penuh laban pengerindu Iya ti meruan belama iya.

    SautBeberekat meh orang ke udah dipilih TUHAN nyadika nembiak Iya!

    Ke Tiga
    Lantang meh bansa ti ngaku TUHAN nyadika Allah Taala sida. Beberekat meh orang ke udah dipilih TUHAN nyadika nembiak Iya! TUHAN nilik ke baruh ari serega lalu meda semua kitai mensia.

    SautBeberekat meh orang ke udah dipilih TUHAN nyadika nembiak Iya!

    Alleluia (peda Masmur 33: 22)

    Alleluia, alleluia
    Awakka pengerindu Nuan meruan enggau kami, O TUHAN, lebuh kami manggaika pengandal ati kami ba Nuan.
    Alleluia.

    Bacha Injil: Luke 12: 1 - 7

    Lebuh beribu-ribu iku orang begempuru, datai ke sida nyau teindikka kaki pangan diri, Jesus bejaku ngagai sida murid Iya. 

    Ku Iya, “Bejaga kita ari ragi orang Parisi, reti nya ari jaku sida ti pura-pura ngapa.

    “Nadai utai ti ditudung enda dikebakka, lalu nadai utai ti dilalaika, enda ditemu.

    Nya alai, utai ti udah disebut kita dalam petang, deka didinga lebuh siang hari, lalu utai ti dipetelaika kita di bilik, deka disadaka ari puchuk perabung.

    Aku madah ngagai kita, unggal, anang takutka orang ke munuh tubuh, tang udah nya enda ulih ngereja utai lebih ari nya.

    Tang Aku madahka sapa ke patut dikenangika kita: nangika Allah Taala ti bisi kuasa muai kita ngagai neraka lebuh Iya udah munuh kita. 

    Sigi amat. Aku madah ngagai kita: Nangika Iya! Ukai enda lima iku burung pipit dijual ngena rega dua sen aja? Tang taja pia, nadai siku sida nya enda dikingatka Allah Taala.

    Indah semua lambar buk ba pala kita deh udah diitung magang. Nya alai anang takut. Kita lebih agi berega ari burung pipit!

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads