2 October 2018 - Hari Dua ba Minggu Ke Dua Puluh Enam Musim Selama - Berita Iban Online

Header Ads

  • Baru Nyadi

    2 October 2018 - Hari Dua ba Minggu Ke Dua Puluh Enam Musim Selama

    Iya lalu bejaku, “Enggau bendar Aku madah ngagai kita, enti kita enda berubah lalu nyadi baka anak mit, kita enda ulih tama ngagai Perintah serega.
    2 October 2018 - Hari Dua ba Minggu Ke Dua Puluh Enam Musim Selama (Memorial of the Guardian Angels)

    Bacha Ke Satu:

    Jop 3: 1 - 3, 11 - 17, 20 - 23

    Nyau kelama udah nya, nya baru Jop bejaku, lalu nyumpah hari iya ada.

    Ku Jop:
    O Allah Taala, sumpah meh hari aku ada. Sumpah mega malam aku dikandungka!

    Manah agi enti aku mati dalam kandung indai aku tauka mati lebuh aku baru ada.
    Nama kebuah indai aku mangku aku? Nama kebuah iya nusuka aku?

    Enti aku mati lebuh maya nya suba, aku tentu ulih diau jenuh belelak diatu,
    Tinduk baka raja enggau bala pemerintah ke udah nirika baru istana ti lama.

    Nya baru aku ulih tinduk baka anak raja ke ngisi rumah diri enggau perengka emas enggau pirak, tauka tinduk baka anak mit ke mati lulus.

    Dalam kubur, orang ke jai badu agi ngereja pengawa ti jai, lalu orang ke bekereja ulih belelak.

    Nama kebuah nejuka orang majak idup merinsa? Nama kebuah meri penampak ngagai orang ke tusah ati?

    Sida nganti pemati, tang pemati nadai datai. Sida rindu agi ke kubur ari ti rinduka pengaya.

    Sida lantang ati enti sida mati, lalu dikuburka.

    Allah Taala ngelalaika penunga sida ke jemah ila lalu mempang sida.

    Masmur Entara:

    Masmur 88: 1 - 2, 3 - 4, 5, 6 - 7

    Saut (peda 2): Dingaka sampi aku, O TUHAN.

    Ke Satu
    TUHAN Allah Taala ti Juruselamat aku, aku nyabak sepemanjai hari, lalu lebuh malam hari, aku datai ngadap ngagai Nuan. Dingaka sampi aku. Pendingka kangau aku ke minta tulung!

    Saut: Dingaka sampi aku, O TUHAN.

    Ke Dua
    Mayuh amat penusah udah ninggang aku datai ke aku nyau deka mati. Aku tu baka semua orang bukai ke nyau deka mati. 
    Aku nadai pengering agi.

    Saut: Dingaka sampi aku, O TUHAN.

    Ke Tiga
    Aku ditinggalka begulai enggau orang ke mati. Aku tu baka orang ke udah dibunuh, ke garing-garing dalam kubur, ti enda dikingatka Nuan agi, ti enda ulih ditulung agi.

    Saut: Dingaka sampi aku, O TUHAN.

    Ke Empat
    Nuan udah muai aku ngagai buntut lubang kubur, ngagai lubang kebung ti pemadu petang sereta dalam. Pengeringat Nuan berat amat ninggang aku, lalu aku nyau redak dilamun umbak iya.

    Saut: Dingaka sampi aku, O TUHAN.

    Alleluia (peda Masmur 103: 21)

    Alleluia, alleluia
    Puji meh TUHAN, semua kita melikat ti di serega, kita ke nembiak Iya, ti ngereja peneka Iya!
    Alleluia.

    Bacha Injil:

    Matthew 18: 1 - 5, 10

    Lebuh maya nya, sida murid datai ngagai Jesus, lalu nanya, “Sapa orang ke pemadu besai dalam Perintah serega?”

    Iya lalu ngangauka siku anak mit, lalu ngasuh iya bediri ba tengah-tengah sida.

    Iya lalu bejaku, “Enggau bendar Aku madah ngagai kita, enti kita enda berubah lalu nyadi baka anak mit, kita enda ulih tama ngagai Perintah serega.

    Barang sapa ngemaruhka diri baka anak mit tu, deka nyadi orang ke pemadu besai dalam Perintah serega.

    Barang sapa nerima anak mit baka tu dalam nama Aku, nerima Aku.

    “Bejimat kita, enggai ke kita mechat sida ke mit tu. Laban, Aku madah ngagai kita, di serega din melikat sida endang seruran bediri di mua Apai Aku di serega.”

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads