25 October 2018 - Hari Empat ba Minggu Ke Dua Puluh Sembilan Musim Selama - Berita Iban Online

Header Ads

  • Baru Nyadi

    25 October 2018 - Hari Empat ba Minggu Ke Dua Puluh Sembilan Musim Selama

    Ku Jesus bejaku ngagai sida murid Iya: “Aku datai laban Aku deka nyelup dunya tu ngena api. Naka meh pemanah enti sema dunya endang udah diselup!
    25 October 2018 - Hari Empat ba Minggu Ke Dua Puluh Sembilan Musim Selama

    Bacha Ke Satu:

    Epesus 3: 14 - 21

    Menyadi:
    Nya meh kebuah aku besugang di mua Apai, ke meri nama ngagai semua ruang bilik ti di serega enggau di dunya. 

    Aku besampi ngambika, ari pemesai pengaya Iya ti bemulia, Iya ngeringka ati kita ngena kuasa ulih Roh Iya, sereta ngambika Kristus diau dalam ati kita, ulih pengarap, lebuh kita beurat sereta negapka diri dalam pengerindu. 

    Aku besampi ngambika kita, sama enggau semua nembiak Allah Taala, bisi kuasa kena nemu pemesai, pemanjai, peninggi enggau penalam pengerindu Kristus ti ngelui peragam mensia, ngambika kita dipenuhka enggau semua personaliti Allah Taala. 

    Ngagai Iya ke ulih ngereja utai lebih ari ti dipinta tauka diperagam kitai, ulih kuasa ti bekereja dalam kitai, awakka semua turun-menurun dalam eklisia, enggau dalam Jesus Kristus, ngemuliaka Iya belama-lama iya. Amin.

    Masmur Entara:

    Masmur 33: 1 - 2, 4 - 5, 11 - 12, 18 - 19

    Saut (peda 5b): Dunya penuh laban pemadas TUHAN.

    Ke Satu
    Rami gaga ati meh kita ke lurus. Puji meh Iya, semua kita ke ngasika Iya. Beri terima kasih ngagai TUHAN ngena belikan. Belagu ke Iya ngena sape.

    Saut: Dunya penuh laban pemadas TUHAN.

    Ke Dua
    Laban jaku TUHAN endang amat, lalu semua pengawa Iya endang dikereja Iya enggau ati ti tetap. TUHAN rinduka atur ti lurus sereta betul. Dunya penuh laban pengerindu Iya ti meruan belama iya.

    SautDunya penuh laban pemadas TUHAN.

    Ke Tiga
    Tang pelan Iya Empu tan belama iya. Juluk ati Iya meruan belama iya. Lantang meh bansa ti ngaku TUHAN nyadika Allah Taala sida. Beberekat meh orang ke udah dipilih TUHAN nyadika nembiak Iya!

    SautDunya penuh laban pemadas TUHAN.

    Ke Empat
    TUHAN ngemataka semua orang ke ngasika Iya, ke manggaika diri ba pengerindu Iya ti meruan belama iya. Iya ngelepaska sida ari pemati. Iya ngidupka sida lebuh maya lapar pungkang.

    SautDunya penuh laban pemadas TUHAN.

    Alleluia (peda Pilipi 3: 8 - 9)

    Alleluia, alleluia
    Aku ngira semua utai uras magang, ngambika aku tau bempu Kristus lalu diau dalam Iya.
    Alleluia.

    Bacha Injil:

    Luke 12: 49 - 53

    Ku Jesus bejaku ngagai sida murid Iya: “Aku datai laban Aku deka nyelup dunya tu ngena api. Naka meh pemanah enti sema dunya endang udah diselup!

    Aku bisi siti pemaptisa ti deka dikena maptisa Aku. Naka meh pemalat pemerinsa Aku sebedau pemaptisa nya tembu!

    Kati kita ngumbai Aku datai mai pemaik ngagai dunya? Ukai: Aku ukai datai mai pemaik, tang mai penyerekang.

    Belabuh ari diatu, orang lima iku diri sebilik deka beserekang, tiga ngelaban dua, lalu dua ngelaban tiga.

    Sida deka beserekang, apai ngelaban anak lelaki, lalu anak lelaki ngelaban apai, indai ngelaban anak indu, lalu anak indu ngelaban indai mentua indu ngelaban menantu indu, lalu menantu indu ngelaban mentua indu.”

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads