Baby lapan bulan parai, dua bakal, disayat indai kandung ba rekung - Berita Iban Online

Header Ads

  • Baru Nyadi

    Baby lapan bulan parai, dua bakal, disayat indai kandung ba rekung

    KASIH AMAI: Pendiau dua ari anak bakal pengudah disayat indai kandung mansa ba rekung di Pulau Mantanani, Kota Belud, sehari tu tadi.
    KOTA BELUD: Siku anak mit (baby) lelaki beumur lapan bulan parai tang dua menyadi indu enggau menyadi laki bakal dipechayaka disayat indai iya ke benung enda betul runding (depression) ba sebuah kuarters di Pulau Mantanani, sehari tu tadi.

    Penusah nyadi urung jam 1.30 petang nya, mansa Jerry Yohanes diripotka parai ba palan penusah ke nyadi ketegal balat balat pengudah disayat saspek (indai iya empu) ba rekung.

    Kelimpah ari nya, Nurul Hanisa beumur lapan taun, Melati, 7 taun, enggau Jehan, 5 taun, mega diripotka bakal ketegal disayat saspek ba rekung ngena pisu. 

    Nitihka penerang ke diterima kami, pengudah nyayat rekung kesemua anak iya, saspek beumur 30 taun ianya indai kandung nguji munuh diri enggau ngachuk rekung iya empu tang enda mujur laban ditanka laki iya.

    Nitihka orang ke meri kami penerang, lebuh raban polis benung bejalai pengawa ngemata (Rondaan Jalan Kaki) besemak kuaters nya urung jam 1.40 lemai, sida iya dilawak laki saspek ke benung dibalut darah.

    "Lelaki nya minta bantu enggau madahka kesemua anak iya udah disayat bini iya empu.

    "Indu nya dipechayaka benung enda betul runding (depression), nya alai iya kempang ati nyayat keempat rekung anak iya empu ngejung ke siku baby tang tiga bakal," ku iya.



    Bangkai baby enggau kesemua mansa ke bakal dianjung ke Sepital Kota Belud besemak ditu ngena speedbot ngambika ulih bejalaika pengawa silik agi.

    Berebak enggau nya, Penguasa Opis Polis Sabah, Datuk Omar Mammah, madahka bisi nerima ripot bekaul enggau penusah ke nyadi nya.

    "Pansik silik bekaul enggau kes nya agi dipejalaika," ku iya lebuh dirandau pengarang berita sehari tu tadi.

    Kes dipansik ari baruh Seksyen 302 Kanun Keseksaan ketegal munuh.

    Berita tebaru bekaul enggau kes tu, ulih dibacha ba ditu: https://goo.gl/uQFUUB

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads