"Bisi sitan dalam bilik", ku bini Yohanes - Berita Iban Online

Header Ads

  • Baru Nyadi

    "Bisi sitan dalam bilik", ku bini Yohanes

    KUARTERS sebuah palan pengelantang ati di Pulau Mantanani, Kota Belud, Sabah, ba palan kes siku indai kandung nyayat anak iya empu. 
    KOTA KINABALU: “Kenyau dua minggu ke udah lalu bini aku ngereja ulah ti ngelaie enggau rerauh madahka bilik tu bisi sitan,” ku laki iya lebuh ke dirandau pengarang berita kemari.

    Nya mih cherita ke ditusi Yohanes Kolin, 54 taun, apai ke ngempu empat iku anak ke disayat indai kandung sida iya empu, ngejungka siku ari sida iya parai ba palan penusah ke nyadi ianya ba bilik staff ba sebuah resort di Pulau Mantanani, Kota Belud, kemari.

    Yohanes madah, pagi sebedau penusah nyadi, bini iya beumur 30 taun, bisi mantup ke pala iya ba tiang bilik lalu Yohanes ngelara bini iya ngambika badu ngereja ulah baka nya.

    “Pengudah nya iya nyau nadai nenama baka selama. Kelimpah ari nya, iya mega bisi ngasuh aku mai keempat anak seduai iya tama ke bilik enggau ngasuh aku nurun kereja. Aku agi enda pechaya enggau utai ti udah nyadi laban bini aku amat sayauka bala anak tua iya, kelebih agi Jerry.

    “Enda nemu nama kebuah iya (Bini Yohanes) kempang ati ngaga baka nya laban kesemua anak tua iya kelalu diasika enggau udu meraya ba iya. Sebedau penusah nyadi, bini aku nyapi ruti enggau nyalinka ai irup ngagai bala anak tua iya,” ku iya lebuh dirandau pengarang berita ba luar Wad Unit Emergency Sepital Indu enggau Anak Mit Sabah di Likas, ditu, malam tadi.

    Lebuh penusah urung jam 1.30 tengah hari, anak ke biak endar, Yohanes beumur lapan bulan, Jerry, parai ba palan penusah ke nyadi ketegal disayat indai iya ba rekung, tang Jihan, 2 taun, enggau menyadi indu iya, Melati, 5 taun, diripotka benung raya (kritikal), enggau Nurul Hanisah, 7 taun, bakal enggau kesemua sida iya dianjung berubat ba Sepital Indu enggau Anak Mit Sabah.

    Bini Yohanes, Erina Jimmy, 30 taun, mega kritikal pengudah diripotka nyayat diri iya empu tan mujur ditagang Yohanes enggau diatu benung diperubatka ba Sepital Queen Elizabeth (HQE) di sini.

    Nitihka penerang ke diterima kami, Yohanes gawa nyadi tukang kebun ba sebuah pengelantang ati di Pulau Mantanani, tang bini iya semina ngibun anak enggau ngintu ruang bilik (suri rumah).

    “Aku baru pulai ke rumah sebedau ninga nyawa bala anak minta bantu ari dalam bilik” ku Yohanes nusika cherita ti chukup penyinu ati ngagai raban pengarang berita.

    “Aku berumban deka tama ke bilik enggau lalu nguji muka pintu tang diinsil. Berindik ari nya, aku nengkila ari jendila,aku tegepang ati meda dua iku anak aku benung meachir-achir dibalut darah.

    “Pengudah nya, aku berumban ngerumpang pintu masuk ke bilik enggau tepedaka bini aku benung nyayat rekung iya empu sebedau ngetanka jari iya enggau ngerampas pisu ke dikena iya nyayat diri.

    “Dua anak ke bakal pansut ari bilik. Aku belanda pansut minta ba ari raban penguasa ke ngam-ngam gak maya nya benung benung bisi bejalaika pengawa ngemata besemak endur palan penusah ke nyadi,” ku iya.

    “Aku enggau beberapa iku raban PGA Batalion 16 berumban ke palan penusah ke nyadi enggau nganjung anak enggau bini aku ke benung bakal sereta raya ke sepital ngena speedbot” tandu Yohanes.

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads