Header Ads

  • Berita Tebaru

    Deriba motosikal bebadi, putus kaki, belantak enggau sebuah lori

    KASIH AMAI: Pendiau ba palan eksiden ke nyadi.
    LUNDU: Siku deriba motosikal bebadi pengudah belantak enggau sebuah lori besemak Kampung Temelan, Jalai Lundu-Sempadi, urung jam 3.30 lemai kemari.

    Mansa dikelala ngena nama Mohammad Saffik Merjalis, beumur 22 taun, penatai ari Kampung Pandan, ditu.

    Nitihka penerang ke diterima, eksiden nyadi lebuh mansa deka ngelih sebengkah agi entukar tang tejanggal lalu ngejung ke iya ngelantak sebuah lori ke benung bejalai mansang ari mua.

    Ketuai Opis Tasat enggau Penguasa Trafik (JSPT), DSP Alexson Naga Chabu, madahka mansa putus kaki kanan, balat bakal tubuh enggau diripotka bebadi ba palan eksiden ke nyadi.

    "Asil pansik tumu ba palan eksiden nyadi,  eksiden nyadi lebuh deriba motosikal (mansa) nguji deka ngelih sebuah entukar tang enda ulih lalu ngejung ke iya ngelantak sebuah lori ke mansang ari mua," ku iya lebuh dirandau pengarang berita malam tadi.

    Bangkai mansa dianjung ke Sepital Lundu kena bejalaika pengawa buntas tasat.

    Kes dipansik ari baruh Seksyen 41(1) Akta Pengangkutan Jalan 1987.

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads


    Deka nemu berita benung #Viral ninting hari: