Deriba motosikal diirit lori treler beberapa meter ari palan eksiden ke nyadi - Berita Iban Online

Header Ads

  • Baru Nyadi

    Deriba motosikal diirit lori treler beberapa meter ari palan eksiden ke nyadi

    KASIH AMAI: Mansa diripotka parai ba palan eksiden ke nyadi ketegal balat bakal ba pala enggau tubuh.
    BETONG: Siku deriba motosikal bebadi pengudah belantak enggau sebuah lori treler ba Jalai Pusa-Sesang, ditu, kemari.

    Mansa Abdul Malik Sapiee, 30 taun, diripotka parai ba palan eksiden ke nyadi ketegal balat bakal ba pala enggau tubuh.

    Pengari Opis Polis madahka, eksideb nyadi urung jam 7.30 pagi, lebuh mansa nepan motosikal benung dirantau jalai ari muak ke sama enggau lori treler nya.

    “Lebuh deka masuk ke simpang sepiak kanan jalai, mansa dipechayaka enda mukai-mukai deka ngelih enggau ngejung ke deriba lori treler enda ulih nyeliahka iya lalu ngelantak motosikal mansa ke benung ba jalai ke sama.

    “Berindik ari eksiden nya, mansa diirit lori treler nya urung penyauh beberapa meter ari palan eksiden ke nyadi enggau ngejungka iya bebadi ketegal balat bakal.

    “Lebuh eksidin nyadi gaya hari diripotka manah enggau pendiau jalai alun rata sereta kering,” ku iya.

    Kes dipansik ari baruh Seksyen 41(1) Akta Pengangkutan Jalan(APJ) 1987.

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads