Dipasung empat pelajar lelaki, indu enda terima sekula ketegal bisi tubuh - Berita Iban Online

Header Ads

  • Baru Nyadi

    Dipasung empat pelajar lelaki, indu enda terima sekula ketegal bisi tubuh

    Siku pelajar indu enda diterima tama ke sekula pengudah iya ditemu bisi tubuh.
    INDIA: Siku indu beumur 16 taun ukai semina dipaung empat kaban ke sama sekula enggau iya, tang iya mega enda diterima tama ke sekula pengudah kes iya udah ditemu Opis Pelajar.

    Penusah nyadi kena Ogos 2018, 'mansa' ke diau ba buding sekula dipasung sebedau iya ditemu bisi tubuh (ngandung) ketegal ulah ti enda menuku nya.

    Tang, lima staf sekula inya didawa nguji ngelalaika pekara tauka kes nya.

    Ukai semina enda diripotka ngagai polis enggau apai indai, tang 'mansa' diasuh ngirup sebansa ai kena muai tauka munuh anak ke bisi ba perut iya nya.



    Apai indai 'mansa' nganu pengudah nemu sentang kes nya enggau nguji mindahka 'mansa' (anak seduai iya) ke sekula bukai.

    Ketegal udah ditemu betubuh bisi, sekula nya enggai nerima 'mansa' enggau madahka penatai iya ulih ngachau bala pelajar ke sekula ditu.

    Polis diatu benung mansik kes nya, kelimpah empat lelaki, staf sekula nya mega deka dipansik.

    "Polis benung nyidi enggau mansik kesemua ripot nyengkaum ripot ke digaga apai indai 'mansa'.

    "Polis deka nganjung raban tasat ke sekula nya. Raban polis mega benung mansik ukum undang-undang ke engkeman bekaul enggau kes tu," ku penguasa polis.

    Berebak enggau nya, Pengerusi Suruhanjaya Perlindungan Hak Kanak-Kanak (USCPCR), Usha Negi, madahka pekara ke digaga sekula nya enda patut laban deka munuh tauka muai anak ke bisi ba perut 'mansa' nya. ✒ Mirror.UK

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads