EKSIDEN: Apai enggau indai bebadi nyawa, anak bakal - Berita Iban Online

Header Ads

  • Baru Nyadi

    EKSIDEN: Apai enggau indai bebadi nyawa, anak bakal

    Kerita Toyota Harrier ke ditepan sida tiga semanak tepawah ba Kilometer 45 Jalai Teluk Intan-Klang semak Panchang Bedena, Sungai Besar, malam tadi. 📷#Pemacha
    SABAK BERNAM: Sepasang laki bini bebadi nyawa pengudah kerita ke dideriba anak iya tepawah lalu tama ke dalam parit ba Kilometer 45 Jalai Teluk Intan-Klang semak Panchang Bedena, ditu, malam tadi.

    Eksiden nyadi urung jam 10.45 malam nya, 'mansa', Kamsiah Omar, 64 taun, enggau laki iya, Bahari Tuimin, 74 taun, tepelanting pansut ari kerita enggau kena empit dalam Toyota Harrier nya.

    Ketuai Polis Pampang Sabak Bernam, Superintendan Nor Azmi Isa, madah Kamsiah ke duduk ba endur penumpang belakang bebadi nyawa ba palan eksiden ke nyadi ketegal enda ulih enseput.



    “Laki 'mansa' (Bahari) ke duduk ba luan endur penumpang mega diripotka bebadi nyawa ba Sepital Tengku Ampuan Jemaah (HTAJ) Sabak Bernam ketegal balat bakal ba tubuh.

    “Taja pia, anak lelaki seduai iya ke nyadi deriba kerita nya, Nazli Bahari, 44 taun, mega bakal,” ku iya lebuhka dirandau pengarang berita.

    Nor Azmi madah, lebuh eksiden nyadi, sida tiga semanak nya benung dirantau jalai ari Teluk Intan nuju ke Sabak Bernam.

    “Lebuh datai ba palan eksiden ke nyadi, kerita ke ditepan sida tiga semanak nya dipechayaka enda ulih dijaga sebedau tepawah lalu tama ke dalam parit nya.

    “Deriba kerita (anak seduai iya) ditaban ke Sepital Teluk Intan (HTI) ngambika ulih diperubatka enggau silik agi,” ku iya

    Kes dipansik ari baruh Seksyen 41 (1) Akta Pengangkutan Jalan 1987.

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads