EKSIDEN: Deriba bebadi nyawa, ambulans ke ditepan iya tepawah - Berita Iban Online

Header Ads

  • Baru Nyadi

    EKSIDEN: Deriba bebadi nyawa, ambulans ke ditepan iya tepawah

    Mansa diripotka bebadi ba palan eksiden ke nyadi ketegal balat bakal ba tubuh.
    PARIT BUNTAR: Siku lelaki bebadi nyawa pengudah ambulans ke ditepan iya tepawah sebedau ngelantak entara jalai ba Kilometer 194.5, Lebuh Raya Utara-Selatan, lemai kemari.

    Eksiden nyadi urung jam 5.30 petang nya, 'mansa' dikelala ngena nama Nuril Anwar Rosdi, 22 taun, diripotka bebadi nyawa ba palan penusah ke nyadi ketegal balat bakal ba tubuh. 

    Ketuai Opis Tasat enggau Penguasa Trafik (JSPT) Perak, Superintendan Ahmad Adnan Basri madahka, asil pansik tumu, 'mansa' dipechayaka enda ulih nyaga (control) kerita ke ditepan iya lalu ngejung ke tepawah. 



    “'Mansa' diripotka bebadi ba palan eksiden ke nyadi tang siku penumpang ke beumur 21 taun, bakal ba kaki kiba enggau telih ba kening kiba iya” ku iya lebuh dirandau pengarang berita kemari.

    Ku Ahmad Adnan, bangkai 'mansa' udah dianjung ke 'Unit Forensik' Sepital Parit Buntar kena bejalaika pengawa buntas tasat enggau penumpang ambulans dianjung berubat ba Sepital Taiping. 

    Kes dipansik nitihka genteran Seksyen 41(1) Akta Pengangkutan Jalan 1987.

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads