EKSIDEN: Dua polis bebadi nyawa - Berita Iban Online

Header Ads

  • Baru Nyadi

    EKSIDEN: Dua polis bebadi nyawa

    Raban bomba benung ngemansutka siku ari 'mansa' ke mengkang ba dalam kerita ba palan eksiden ke nyadi. 📷#Polis
    PAHANG: Dua polis 'Cawangan Gerakan Ibu Pejabat Kontinjen' (IPK) Pahang bebadi nyawa pengudah eksiden ba Kilometer 183 Lebuhraya Pantai Timur (LPT) semak Gambang, Maran, ditu.

    Ketuai Opis Tasat enggau Penguasa Trafik Pahang, Superintendan Kamarulzaman Jusoh, madah eksiden nyadi urung jam 3 petang nya, 'mansa', Sarjan Mejar Roslan Maon, 50 taun, enggau Konstabel Watson Anak Edin, 23 taun, dipechayaka benung dirantau ari Bentong nuju ke Kuantan.

    Ku iya, asil pansik tumu, dua polis nya benung dirantau jalai nguluka entukar Opis Pelajar Negeri Pahang ke mai keretas 'test' sebedau eksiden nyadi.

    “Lebuh penusah nyadi, hari benung hujan bangat enggau kerita ke ditepan dua polis nya diripotka ngelantak besi entara jalai sebedau tepawah enggau tama ke dalam parit sepiak kiba jalai.



    “Dua 'mansa' nya diripotka bebadi nyawa ba palan eksiden ke nyadi ketegal balat bakal ba pala enggau tubuh,” ku iya lebuh dirandau pengarang berita sehari tu tadi.

    Kamarulzaman madah, raban iya melabaka kerita ke ditepan seduai iya ngelantak lupak ai sebedau enda ulih dijaga enggau bangkai seduai iya dibai ke Sepital Jengka kena bejalaika pengawa buntas tasat.

    Berebak enggau nya, Sapit Direktor Bomba Pahang, Mohd Sani Harul, madahka raban iya bisi nerima kangau urung jam 3.05 lemai sebedau berumban ngesah ke palan eksiden nyadi.

    Lebuh datai ba palan eksiden ke nyadi, ku iya, raban iya ngeripotka siku raban polis tepelanting keluar enggau siku agi bisi ba kerita.

    “Raban bomba mansutka siku polis ke mengkang ba dalam kerita sebedau raban periman ngesahka iya bebadi nyawa,” ku iya.

    Ku iya, bangkai mansa disuaka ngagai polis kena bejalaika pengawa silik agi.

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads