EKSIDEN: Prado ngelantak motosikal, siku orang tuai ex-polis bebadi nyawa - Berita Iban Online

Header Ads

  • Baru Nyadi

    EKSIDEN: Prado ngelantak motosikal, siku orang tuai ex-polis bebadi nyawa

    PENDIAU BA PALAN EKSIDEN: Sebuah kerita Toyota Prado belantak enggau motosikal.
    BETONG: Siku lelaki orang tuai, udah pinchin ianya Ex-Polis bebadi nyawa pengudah motosikal ke ditepan iya belantak enggau sebuah kerita Toyota Prado ba Jalai Kampung Balingan.

    Eksiden nyadi urung jam 1.30 lemai nya, ngejung ke mansa beumur 60 taun bebadi ketegal balat bakal ba tubuh.

    Ketuai Opis Tasat enggau Penguasa Trafik Sarawak, Supt Alexson Naga Chabu, madahka asil pansik tumu, mansa ke bebadi nyawa nya siku ari raban polis ti udah pinchin. 

    Ku iya, eksiden dipechayaka nyadi lebuh mansa ngena motosikal pansut ari simpang sebedau dilantak sebuah kerita Toyota Prado.

    Berindik ari eksiden nya,  kerita Toyota Prado mega tepawah ke dalam parit.
     "Deriba Toyota Prado nya, enda ulih nyeliahka mansa tauka ngetuka kerita ke ditepan iya sepengudah motosikal ke ditepan mansa dipechayaka enda mukai-mukai pansut ari simpang jalai.

    "Dempa pemalat eksiden nya ngejung ke mansa tepelanting ke dalam parit ba tisi jalai nya," ku iya lebuh dirandau pengarang berita sehari tu tadi.

    Alexson ngelansa, eksiden nya mega ngejung ke kerita Toyota Prado tepawah lalu telentang ba dalam parit.

    Ku iya, bangkai mansa udah dianjung ke Sepital Betong kena bejalaika pengawa buntas tasat.

    "Kes dipansik ari baruh Seksyen 41(1) Akta Pengangkutan Jalan 1987," ku iya.

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads