EKSIDEN: Siku anak mit indu, 5 taun, bebadi nyawa, lantak van sekula
Cari Berita

Advertisement

EKSIDEN: Siku anak mit indu, 5 taun, bebadi nyawa, lantak van sekula

Chief Editor | Berita Iban MY
October 25, 2018

KASIH AMAI: Siku anak indu beumur lima taun (segala mirah) kena lantak lebuh ngelayang jalai ba mua van sekula pengudah iya nurun ari van nya.
 JOHOR BAHRU: Siku anak mit indu, beumur lima taun, kena lantak van ke ditepan iya nurun sekula, 'mansa' diripotka bebadi nyawa lebuh diperubatka ba Sepital Sultanah Aminah, ditu, kemari.

Ketuai Polis Johor Bahru Utara, Asisten Komisioner Polis Mohd. Taib Ahmad, madah eksiden nyadi urung jam 12 tengah hari nya, deriba van sekula nya benung nyangkaika Janiss Yeoh Zi Xuan ('mansa') ba Taman Tun Aminah ianya ba rumah inek iya kemari.

"Eksiden nyadi, lebuh van ke dideriba siku indu ngelantak siku anak mit ke benung ngelayang jalai ba mua van nya, pengudah iya nurun ari van nya deka tama ke rumah inek iya," ku iya lebuh dirandau pengarang berita sehari tu tadi.



Ku iya, berindik ari eksiden ke nyadi, deriba van ke beumur 48 taun nya lalu berumban nganjung 'mansa' ke klinik kesemak. Tang ketegal 'mansa' diripotka kelalu balat bakal, pengudah nya iya mai 'mansa' ke Sepital Sultanah Aminah (HSA), ngambika ulih diperubatka enggau silik agi.

"Pengudah urung pengelama sejam diperubatka ba HSA, 'mansa' diripotka bebadi nyawa ba sepital nya.

Lebuh eksiden nyadi, ba dalam van nya bisi lima penumpang anak mit, tang taja pia, kesemua sida iya diripotka selamat tauka nadai bakal ba sebarang alai endur tubuh ," ku Mohd Taib.