EKSIDEN: Siku bebadi nyawa, dua diripotka balat bakal - Berita Iban Online

Header Ads

  • Baru Nyadi

    EKSIDEN: Siku bebadi nyawa, dua diripotka balat bakal

    Kerita enda ulih dijaga enggau ngelantak motosikal ke ditepan 'mansa'. Lalu ngejungka iya (gambar mit) bebadi ba palan eksiden ke nyadi.
    KUCHING: Siku deriba motosikal bebadi nyawa, tang siku agi diripotka bakal pengudah belantak enggau sebuah kerita semak Kampung Punau, Batu 17, Jalai Puncak Borneo, ditu, urung jam 9.30 malam, Hari Dua.

    'Mansa' ke bebadi nyawa dikelala ngena nama Hunter Jiming, 48 taun, penatai ari Kampung Annah Rais, Padawan.

    Nitihka penerang, dua buah motosikal nya bebung dirantau jalai nuju ke pasar lebuh dilantak kerita ke ngengah jalai ngelaban arus.

    “Kerita nya dipechayaka enda ulih dijaga lalu tama ke jalai ngelaban arus enggau ngelantak dua motosikal nya ke benung dirantau jalai muak ari Puncak Borneo.



    “Berindik ari eksiden nya, ngejungka siku deriba motosikal (Hunter) bebadi nyawa ba palan eksiden ke nyadi,” ku orang ke meri penerang.

    Deriba kerita enggau siku agi deriba motosikal diripotka balat bakal enggau ditaban ke Sepital Besai Sarawak (HUS) ngambika ulih diperubat enggau silik agi.

    Ketuai Opis Tasat enggau Penguasa Trafik Sarawak, Superintenden Alexson Naga Chabu, madahka bisi nerima ripot bekaul enggau eksiden ke nyadi.

    “Semua entukar ke bekait enggau eksiden nya dibai ke Balai Polis Trafik Pampang (IPD) Padawan ngambika ulih diperesa Puspakom enggau Jabatan Kimia,” ku iya.

    Kes dipansik nitihka genteran Seksyen 41(1) Akta Pengangkutan Jalan 1987.

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads