Header Ads

  • Berita Tebaru

    #EKSIDEN: Siku deriba lori bebadi labuh ke arung

    KASIH AMAI: Raban Bomba ngena ‘rescue tools’ ngemansutka mansa (gambar mit).
    BINTULU: Siku deriba lori tangki sarat ngundan minyak sawit bebadi pengudah lori ke ditepan iya labuh ke arung penalam 50 meter ba Jalai Samarakan, urung jam 10.30 pagi kemari.

    Ketuai Opis Tasat enggau Penguasa Trafik Sarawak, Superintendan Alexson Naga Chabu, madahka mansa dikelala ngena nama Zamry Manan, 41 taun, diripotka bebadi ba palan penusah ke nyadi ketegal balat bakal ba pala enggau tubuh.

    Ku iya, berindik ari kangau ke diterima, seraban bomba ari Balai Bomba enggau Penyelamat Bintulu diketuai Pegawai Bomba Kanan II Mustapha Wasli ngena FRT enggau EMRS berumban ngesah ke palan penusah ke nyadi ngambika ulihnyelamat enggau mansutka mansa.

    “Lebuh datai ba palan penusah nyadi, ketuai operasyen ngeripotka sebuah lori labuh ke dalam arung enggau bekenaka ‘rescue tools’ kena ngemansutka mansa ke mengkamg dalam dalam entukar nya,” ku iya.

    Ku iya, bomba ngemansutka mansa ari entukar nya utung pengelama sejam enggau mansa mujur dipansutka ngam-ngam jam 12 tengah hari.

    Bangkai mansa pengudah nya dibai ke Unit Forensik Sepital Bintulu kena bejalaika pengawa buntas tasat. 

    Kes dipansik ari baruh Akta Pengangkutan Jalan 1987.

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads


    Deka nemu berita benung #Viral ninting hari: