EKSIDEN: Siku indu bebadi ba simpang 'lampu isyarat ' - Berita Iban Online

Header Ads

  • Baru Nyadi

    EKSIDEN: Siku indu bebadi ba simpang 'lampu isyarat '

    KASIH AMAI: Mansa diripotka bebadi ba palan eksiden ke nyadi.
    SIBU: Siku indu bebadi nyawa tang laki iya diripotka selamat pengudah motosikal ke ditepan seduai iya belantak enggau sebuah lori ba simpang 'lampu isyarat', Jalai Salim enggau Jalai Tun Ahmad Zaidi Adruce, kemari.

    Eksiden nyadi urung jam 6.15 pagi nya, mansa dikelala ngena nama Latipah tauka Hatipah Aleng, 59 taun, siku ari orang kereja ba kilang diripotka bebadi ba palan eksiden nyadi.

    Ketuai Polis Pampang Sibu, ACP Stanley Jonathan Ringgit, madahka lebuh eksiden nya, mansa enggau laki iya, Basah Bagong, 69 taun, benung dirantau muak ari Jalai Salim nuju ke Ulu Lanang. Lebuh belantak enggau sebuah lori ari muak Jalai Tun Ahmad Zaidi Adruce nuju ke Jalai Teku ditu.

    “Mansa dipechayaka labuh ari motosikal enggau diripotka ambulans Sepital Sibu ba palan penusah eksiden nyadi tang laki iya selamat enggau nadai bakal ba tubuh,” ku iya.

    Ku iya, deriba lori beumur 29 taun pengudah nya ditan laban dipechayaka ngereja penyalah ari baruh Seksyen 41(1) Akta Pengangkutan Jalan (APJ) 1987 tang taja pia udah dilepaska laban dijamin polis.

    Ku iya, asil pansik tumu raban polis, nadai kamera bebalai (CCTV) ba palan eksiden nyadi.

    Kes agi dipansik raban polis.

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads