Header Ads

  • Berita Tebaru

    EKSIDEN: Siku indu bebadi, motosikal tama ke dalam parit

    Felicia Freda (gambar mit) bebadi ba palan penusah nyadi pengudah motosikal iya tepawah lalu ngejung ke tama dalam parit.
    KUCHING: Siku indu bebadi nyawa pengudah motosikal bansa Honda EX5 ke ditepan iya tepawah lalu ngejung ke tama dalam parit ba Simpang Kampung Semban, besemak Padawan, tumu pagi tadi.

    Penusah nyadi urung jam 3.28 pagi nya, Felicia Freda George, 20 taun, diripotka bebadi ba palan penusah ke nyadi tang kaban iya, Ennasthasa Lydia Pika, 22 taun, bakal mimit.

    Ketuai Opis Tasat enggau Penguasa Trafik Sarawak, Superintendan Alexson Naga Chabu, madahka mansa nadai kereja benung di rantau jalai nuju ke Kampung Braang Bayur, ditu.

    "Enda mukai-mukai, motosikal ke ditepan iya enda ulih dijaga sebedau tepawah lalu ngejung ke tama dalam parit urung penalam dua meter.

    "Kededua mansa ditemui badalam parit nya enggau Felicia diripotka balat ba pala tang kaban iya Ennasthasa bakal ba kaki enggau tubuh," ku iya lebuh dirandau pengarang berita sehari tu tadi.

    "Mansa dipelabaka enda meda jalai nya laban pendiau ba jalai nya petang," ku iya.

    "Tang taja pia, kes agi dipansik ngambika ulih nemu kebuah penusah nya nyadi," tandu iya.

    Kes dipansik ari baruh Seksyen 41 (1) Akta Pengangkutan Jalan 1987.

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads


    Deka nemu berita benung #Viral ninting hari: