EKSIDEN: Siku lelaki bebadi, motosikal ngelantak tayar lori - Berita Iban Online

Header Ads

  • Baru Nyadi

    EKSIDEN: Siku lelaki bebadi, motosikal ngelantak tayar lori

    KASIH AMAI: Mansa (dibalut ngena pelesetik chelum) diripotka ngapus ke seput ke penudi ba palan eksiden nyadi.
    KUCHING: Siku lelaki bebadi nyawa pengudah motosikal ke ditepan iya belantak enggau sebuah lori ba Kilometer 13, Jalai Bau - Kuching besemak Tanjung Durian, ditu, sehari tu tadi.

    Eksiden nyadi urung jam 9.15 pagi tadi, mansa dikelala ngena nama Zaidi Rosli, ex-gawa perintah, beumur 55 taun, diripotka ngapus ke seput ke penudi ba palan eksiden nyadi.

    Ketuai Opis Tasat enggau Penguasa Trafik Sarawak, Superintenden Alexson Naga Chabu, madahka eksiden dipechayaka nyadi lebuh mansa ke nepan motosikal nya benung dirantau jalai ari bau nuju ke Kuching deka ngelih lori nya.

    "Mansa enda sempat ngelih lori nya laban bisi entukar ke datai mansang ari mua sepiak kanan jalai nya.

    "Iya nguji tama baru ke jalai sepiak kiba tang enda mukai-mukai mansa nyau ngelantak tayar kemudi sepiak kanan lori nya," ku iya lebuh ke dirandau pengarang berita sehari tu tadi.

    Nitihka penerang ke diterima kami, deriba lori nya diripotka selamat enggau nadai bakal ba sebarang alai endur tubuh.

    Bangkai mansa dianjung ke Hospital Bau enggau kes dipansik ari baruh Seksyen 41(1) Akta Pengangkutan Jalan 1987.

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads