EKSIDEN: Siku pelajar universiti bebadi nyawa, ngelantak kayu
Cari Berita

Advertisement

EKSIDEN: Siku pelajar universiti bebadi nyawa, ngelantak kayu

Staf @beritaibanMY
October 22, 2018

KASIH AMAI: Raban bomba benung mansutka bangkai 'mansa' ke mengkang ba penuduk deriba pengudah eksiden ba Kilometer 34.9 Lebuhraya Utara Selatan, malam tadi. 📷#Pemacha
JITRA: Pelajar Universiti Malaysia Perlis (UNIMAP) bebadi nyawa pengudah kerita Proton Wira ke ditepan iya enda ulih dijaga sebedau tepawah enggau ngelantak kayu ba Kilometer (KM) 34.9 Lebuhraya Utara Selatan (PLUS), malam tadi.

Ketuai Polis Pampang Kubang Pasu, Superintendan Mohd Ismail Ibrahim, madahka 'mansa' dikelala ngena nama, Aiman Nazrin Azlan, 21 taun, penatai ari Alor Mengkudu, Alor Setar dipechayaka benung dirantau jalai deka pulai ke rumah iya sebedau eksiden nyadi urung jam 11.12 malam.

"Berindik ari ripotka diterima, seraban bomba berumban ngesah ke palan eksiden nyadi laban deka mansutka 'mansa' ke mengkang ba penuduk deriba," ku iya.



"Lebuh eksiden nyadi, kerita ke ditepan 'mansa' enda ulih dijaga enggau ngejung ke iya tepawah ke tisi jalai laban maya nya hari benung ujan bangat enggau jalai lichin. 

"'Mansa' diripotka ngapuska seput kepenudi ba palan eksiden ke nyadi ketegal balat bakal.

"Bangkai 'mansa' pengudah nya dianjung ke Unit Forensik Hospital Jitra kena bejalaika pengawa buntas tasat enggau kes dipansik nitihka genteran Seksyen 41 (1) Akta Pengangkutan Jalan 1987,” ku iya lebuh dirandau pengarang berita, sehari tu tadi.