Enam staf bomba lemas lebuh bejalaika operasyen nyelamat - Berita Iban Online

Header Ads

  • Baru Nyadi

    Enam staf bomba lemas lebuh bejalaika operasyen nyelamat

    Kesemua mansa ke lemas lebuh bejalaika operasyen ngiga enggau nyelamatka siku nembiak lelaki ke diripotka lemas ba Tasik Putra Perdana.
    PUCHONG: Penusah enda disadang nyadi nuntung enam iku staf bomba lebuh sida iya parai lemas maya bejalaika operasyen ngiga enggau nyelamatka siku mansa ke diripotka lenyau ba Tasik Putra Perdana, lemai kemari.

    Penusah nyadi urung jam 6 lemai, lebuh kesemua ianya raban unit 'Pasukan Penyelamat Di Air' (PPDA) benung nyelam ba palan penusah ke nyadi.

    Pengari Bomba Selangor, madahka raban iya sebedau nya bisi nerima kangau bekaul enggau siku nembiak lelaki beumur 17 taun, dipechayaka lemas urung 5.30 lemai sebedau ngasuh raban bomba ngesah ke palan penusah nyadi.

    Ku iya, raban bomba ke bisi ngesah ke palan penusah nyadi ianya raban ari Balai Bomba dan Penyelamat (BBP) Cyberjaya, BBP Shah Alam enggau BBP Perlabuhan Klang.

    Kesemua mansa ke lemas udah mujur dibai niki ke pantai.
    “Enam iku staf nya mega bisi ngambi bagi lebuh bejalaika operasyen ngiga mansa sebedau sida iya enam diripotka lemas. 

    “Kesemua sida iya mujur dibai niki ke pantai enggau diperubat tumu. Tang taja pia, kesemua sida iya diripotka udah parai,” ku pengari nya lebuh dirandau pengarang berita.

    Bangkai kesemua staf bomba ke lemas nya udah dianjung ke Sepital Serdang kena bejalaika pengawa buntas tasat.

    “Empat staf ke lemas nya ari PPDA Pelabuhan Klang ianya Mohd. Fatah Hashim, 34; Izatul Akma Wan Ibrahim, 32; Mazlan Omar Baki, 25, enggau Yahya Ali, 24.

    “Dua staf ari PPDA Shah Alam ianya Muhammad Hifdzul Malik Shaari, 25, enggau Adnan Othman, 33,

    Nitihka penerang ke diterima kami, mansa ke lemas ba tasik nya agi bedau temu nyentuk ke jam 11 malam tadi.

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads