"Enti enggai meda aku nyadi Perdana Menteri, aku ulih badu sehari tu," ku PM - Berita Iban Online

Header Ads

  • Baru Nyadi

    "Enti enggai meda aku nyadi Perdana Menteri, aku ulih badu sehari tu," ku PM

    TUN Dr Mahathir Mohamad datai ba Dewan Kenchana Ombak Villa laban deka betemu enggau bala deriba teksi Langkawi, sehari tu tadi. 📷#Bernama
    LANGKAWI: Tun Dr Mahathir Mohamad sedia deka badu megai tanggungpengawa nyadi Perdana Menteri Malaysia pengudah enda nyamai ati meda ulah ke enda menuku digaga sekeda ari deriba teksi enggau besai nyawa lebuh 'sesi dialog' pengudah enggai nerima penerang ke dipansutka iya bekaul enggau servis GRAB.

    Perdana Menteri madah, iya udah badu sebedau tu, tang iya nyadi PM baru pengudah dipinta tauka diasuh orang mayuh mutarka penanggul menua Malaysia.

    “Aku deka nulung tang enti nadai bantu... Aku pan enda ulih nulung mega. Enti enda pechaya aku ulih ngaga, ngaga kediri. Peda nama utai nyadi.

    “Aku ukai ka nyadi Perdana Menteri, Aku udah pinchin... Orang ngasuh aku pulai baru, nya alai aku datai baru.

    “Enti enggai meda aku nyadi Perdana Menteri, aku ulih badu sehari tu. Nadai penanggul ba aku,” ku iya lebuh 'Sesi Dialog Bersama Pemandu Teksi Langkawi' ditu, sehari tu tadi.



    Sebedau nya, urung 10 iku deriba teksi mansutka jaku kamah enggau ingar sebedau pansut ari palan 'sesi dialog' lebuh Dr Mahathir meri oenerang bekaul enggau servis e-hailing.

    'Sesi dialog' nya, urung penyampau 200 deriba teksi Langkawi ke ngeripotka kurang penatai pemisi ketegal servis GRAB udah ‘enchuri’ penumpang sida iya.

    Dulu agi ari nya, Dr Mahathir madahka, GRAB deka dipinta ngena entukar ke dikemendarka perintah, mayar insurans enggau mayar chukai sama ba teksi ngambika enda berat sepiak.

    “Aku kala mansutka pekara tu dalam Kabinet... Aku madahka Menteri Pengangkut ngambika ngemutarka nya, tang nyentuk ke diatu alu nadai insur.

    “Aku nguji mutarka pekara tu... Aku pan berasai pekara tu enda patut. Pekara tu agi diperatika aku tang aku enda ulih bejanji ulih ngemaduka servis GRAB, tang kitai ulih meri sida ia sebaka enggau teksi,” ku iya.

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads