Ketegal laki bisi ambai lalai, siku indu nguji terejun ari jematan - Berita Iban Online

Header Ads

  • Baru Nyadi

    Ketegal laki bisi ambai lalai, siku indu nguji terejun ari jematan

    Raban Opis Penguasa ngaum indu nya pengudah iya nguji terejun ari Jematan Pulau Pinang, tengah malam kemari.
    PRAI: Ketegal laki berutang duit ba along (money lender), bisi ambai lalai enggau indu bukai.

    Siku indu beumur 34 taun diselamatka raban Opis Penguasa pengudah iya nguji terejun ari Jematan Pulau Pinang urung jam 12.40 tengah malam kemari.

    Ketuai Polis Pampang Seberang Perai Tengah, Asisten Komisioner Nik Ros Azhan Nik Ab Hamid, madahka indu nya begulai enggau empat iku anak iya nepan sebuah kerita bansa Proton Exora ari Prai nuju ke Georgetown sebedau ngetu ba Kilometer 1.0 jematan nya.

    Ku iya, lebuh datai ba dia, indu nya duduk ba luar kerita ba lalau entara jalai tang empat iku anak iya ditinggalka ba dalam kerita.

    “Orang mayuh berasai enda lantang ati meda ulah ke digaga indu nya lalu ngangauka Bomba enggau raban Opis Penguasa kebukai.

    “Indu nya dipechayaka benung tusut runding enggau benung enda ulih berunding manah,” ku iya.

    Ku iya, raban penguasa nguji ngaum indu nya ngambika enda terejun ari jematan nya sebedau iya nguji deka ngelarika diri.

    “Indu nya nguji deka ngelarika diri ngena kerita iya empu tang mujur ditan raban penguasa.

    “Laki indu nya mega bisi ba palan penusah ke nyadi mujur ngaum bini iya sebedau sida iya dibai ke balai polis besemak,” ku iya.

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads