Lans Koperal bebadi nyawa, bisi abi timbak ba pala - Berita Iban Online

Header Ads

  • Baru Nyadi

    Lans Koperal bebadi nyawa, bisi abi timbak ba pala

    Siku polis pangkat Lans Koperal ditemu bebadi nyawa enggau bisi abi timbak ba pala semak 'kuarters' raban polis ba Balai Polis Pekan Baru, ditu, tumu pagi tadi.
    IPOH: Siku polis pangkat Lans Koperal ditemu bebadi nyawa enggau bisi abi timbak ba pala semak 'kuarters' raban polis ba Balai Polis Pekan Baru, ditu, tumu pagi tadi.

    Polis ke bebadi nyawa nya dikelala ngena nama S Pritviraj, 29 taun, bujang, ditemu benung ningkap ba tisi parit sepiak rumah bujang polis bansa semi-d dua tingkat.

    Nitihka penerang, bangkai 'mansa' ngena 'uniform' polis enggau pistol ba MP5 bisi ba sepiak 'mansa' ditemu siku 'cleaner' ke deka bejalaika pengawa meresi ba belakang 'kuarters' balai polis nya.

    Mandar Ketuai Polis Pampang Perak, Datuk Razarudin Husain, madah asil pansik tumu,  penusah nyadi urung jam 6.15 pagi enggau polis nya ditemu bebadi nyawa enggau bisi sigi abi rembus timbak ba pala iya.



    “Naka ke diatu, polis melabaka 'mansa' ditimbak ngena pistol ke diempu 'mansa' nya empu (lebuh iya gawa),” ku iya lebuh dirandau pengarang berita sehari tu tadi.

    Razarudin madah, polis agi mansik kebuah penusah nyadi tauka 'mansa' nimbak diri empu, salah ngachitka pistol tauka bisi bekaul enggau kes kebukai.

    Ku iya, 'mansa' apin lama udah 'ditransfer' ke ba balai polis nya, baru udah dua hari.

    Ku iya, ngelamatu 'mansa' gawa ba Unit Kongsi Gelap, Judi enggau Maksiat (D7) Opis Polis Pampang (IPD) Ipoh.

    Nitihka penerang, 'mansa' udah gawa ba IPD Ipoh kenyau ari taun 2009 nyadi polis am ba Balai Polis Pekan Baru sebedau 'ditransfer' ke D7,  pengudah nya 'mansa' 'ditransfer' ke balai nya kena Hari Satu tu tadi. 

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads